السلام عليكم
هذة القصيدة عندما سمع الشاعر ان هناك ذيب في شبك حديدي للفرجة فقال هذة الابيات
ياشيب عيني شيبة شوفة الذيـب=في وسط شبك مغلـق ساجنينـة
مادريو ان لة حقـوق ومواجيـب=وكل سمع عـن خـوة مخاويينـة
وربعي غدولة بالغداري معازيـب=مكازي معشـي الذيـب ياعرفينـة
ابن سعيّد منقع الجـود والطيـب=وربي علي فعل المراجـل معينـة
والكل من ربعي عريب المجاذيـب=وسنة مكـازي بالكـرم وارثينـة
كسباتهم بالكون حرش العراقيـب=والخيـل مـن خيالتـة كاسبينـة
اهـل دلال هيلهـا بالغـلا جيـب=وكم غالـي فـي حبهـا ساقينـة
الي ذبايحهم من الفطـر الشيـب=ولا يذبحون الي الجلال السمينـة
بيوتهم عوج العمـد للقصاصيـب=اهل الصخي من وقت ماضي سنينة
قبلي اجاء وحيورهم كنها السيـب=وغيـر نماهـا دايـم مقلطيـنـة
عسي الحايا يسقي هذيك الشخانيب=وتعمر قصور بالـودي ساكنينـة
وصلاة ربي عد كتـب المكاتيـب=علـي نبـي عـزة اللـة بدينـة
الشاعر
مساعد بن مفرح العنيزان الحسيني الشمري