محمد خلف الخالدي يمدح لولاس سعود المعيدي(ابو فارس) وقبيلة شمر عامه وقد ورد باقصيده يابو حلا . وحلا هي ابنته واكبر الابناء. ولمن لايعرف لولاس هو ابن سعود بن مرضي المعيدي من المنيس من المفضل . والمعدان اسرة طيبه لهم من المواقف الكثير التي لم تخدم اعلاميا لا في الماضي ولا في الحاضر . فمنهم والد لولاس سعود بن مرضي الذي بشهادة كثير ممن يعرفونه انه نادر في صفاته من الرجال فهو يجمع الشجاعه والرأي والحلم ومساعدة من ينصاه والحكمه يتميز بنقاء السريرة وحبه الخير للاخرين مما حببه بقلوب كل من عرفه فهو الذي قال فيه فهد الربوض :
ياخليف علمني عسى مانت مقرود × بسعود بن مرضي مواريث الاجواد
نسمع بعلم سعود بالطيب ماكــــود × سنعوسيٍ مستارثٍ طيـــــب الاجداد
الى ان قال :
بيضا نشيدها بالاشهاد لســـــــعود × يستاهل البيضاء على روس الاشهاد
والقصيده طويله سنردها لاحقا.
ومنهم في الزمان القديم سالم المعيدي الذي قيل فيه بعد مجاعه اصابة نجد
الجوع جانا يجر حذاه × لولا المعيدي توطــــــانا
اليادعى بالقدح جيناه × على هل البيت بدانـــــــا
ياعل ماتلحقه دنيـــاه × وسع اليا مالله اغنانــــا
وسعد المعيدي الذي قيل فيه من قصيده طويله :
العشا عند المعيدي بركني × ريف اهل هجنٍ الياجنك نكايف
والان قصيدة الخالدي في لولاس بن سعود وقبيلة شمر عامه :
سر ياقلم واكتب سلام وتحيــــــه × مني لحضرة صاحب الطيب لــــــولاس
لولاس راع الفزعة الاوليــــــــه × اللي شهامتها تحرك من الـــــــــــراس
من لابة تعرف ولاهي خفيـــــــه × شمر هل الشيمه بعيدين الارمـــــــــاس
رجالهم ينطح من القوم ميــــــه × ذبه على الموت الحمر يضرس اضراس
يابوحلا ياشوق رادع اشفيــــــه × عين المهات اللي تذير من النــــــــــاس
وفيت ياراع الوفا والحميــــــــه × جمالتك وصلت وقدرك على الـــــــــراس
لاهنت ياللي مايخلي خويــــــــه × يوم ان ولد اللاش يقفي مع الـســـــــاس
خطو اللئيم اللي يجيب الاذيــــه × يقضي ويترك عصم الاشناب تنحـــــــاس
ياشمري فكيتني من قضيـــــــه × فيها قطع رزقي مثل قطع الانفـــــــــــاس
انتم هل الطولات والغايريــــــه × قبيلتك تاخذ على الخيـــل مــــــــــــرواس
بجزيك كيف اجزيك حقٍ عليــه × ماهو كثير اللي كتبته بقـــرطـــــــــــــاس
وتم الجواب اللي كتبته منيــــه × ذكراه تصبغ صبغة البن بالكـــــــــــــاس
والرجل الذي يستر نفسه مع الاجناب كثر خيره اما الرجل الذي يجيب العلم الطيب لقبيلته من حقه على القبيله ان يذكروه ويشيدون به والحسد والغيره غير الشريفه من صفة اللئام وشمر ليسو كذلك ابدا فهم اهل كل الخصال الطيبه .