بسم الله الرحمن الرحيم
السلام عليكم ورحمة الله وبركاته
أبيات وصلتني بالجوال ..قبل أمس ولا عرفت أسم صاحبها
إلا أنه شمري ..و قالها بواحد من شباب جماعتنا بعد ما عاونه
على حل أشكال و قضية ما ..؟ و ارسل الشاعر لخوينا هالابيات مدح فيه
يا طيب راس الشلاقي عند أبن عمه=مراجلَ بيض الله وجه راعيها
يوم انتخى به فزع له و انجلى همه=سوى سواياَ قليل اللي يسويها
قال أبشروا يالطنايا زالت الغمه=أنا لها في أول الدعوى و تاليها
من روس قومَ لهم في القمة القمة=مراجلَ يطرب السامع لطاريها
يتلون شيخَ عليه القوم ملتمه=شلقان في حاضر الدنيا وماضيها
وانا بحكم قرابتي ومعرفتي بالممدوح ارسل لي الابيات السابقة ..واسند لي ردها
ولذلك قلت ...!
راع الوفى يذكر الطيبه ليا تمه=ما يجحد حروفها و ادنى معانيها
من عادته يرفعه من مبدأ الذمه=و لا السوايا كثيرة وين محصيها
وأما الشلاقي من أول قاصر كمه=للشمري و البناخي ما يونيها
ما ورد ورودها للرسو والجمه=ألا على عدودها لا زان صافيها
ما ينتظر وجه واحد يندفق دمه=يسبق عرق جبهته لا قل واليها
لا غاب ولد الردي مدري وليد أمه=ينهض على المشكله و يجيب عاليها
لا كثرت البكم مع عميه ومع صمه=و دواجنن ما علينا من مربيها