اسئال الوقت ابي رد الجواب = يرفض الوقت مايرضا يجيب
لي معى الوقت وقفات وعتاب =صرت انا وياه مطلوب وطليب
نتكر الشيب ياعصر الشباب =والله انه علا شرواك عيب
كيف تنسا معشين الذياب = يازمن ماعرفنا لك صحيب
ماتقل فتلوا سود الشناب = وشربو الما من الجم الجليب
وماتقل وردوا روس الحراب =وماتقل نزحوا جمع الحريب
وكنهم ماتعلوا عركاب = وحولوا دون زينات الحليب
يظهر النجم من بعد الغياب =والقمر اخر ايامه يشيب
كم شايب ليا من غاب جاب =يقطع الدرب لو انه صعيب
وكم فتى ماتعود للغياب = يشحذ امه يبي مصروف جيب
وكم شايب لمن البعض هاب =اشمط اللون كنه وجه ذيب
كم كتب عنهم الحاضر كتاب = وكم شهد عنهم الماضي بطيب
اسود الريش ما فاد الغراب = ميزة الحر له بالريش شيب
كل كلمه لها حاسب احساب= وعن خطى النفس لي رب (ن) حسيب