لقلوبكم الطاهرة
توْ استوت وأينعت لي في عناقيدها=مريوشة العين لا عبجة ولا سعلوان
من قبل حرب الخليج أمشي على سيدها=واليوم يا دافع البلوى كما البهلوان
تفتل وأنا أنقض ، وتفتل ما انتقض قيدها=ماهي بحب الخشوم ولا هي بالدرهمان
أطفال نلعب سوى ايدي على ايدها=كم مرةٍ حستها بالطين والزعفران
كنا أبريا من حزازتها ومن كيدها=كنا اخوان الصفا غير النقا به اخوان
يا حظ من هو سبقهم طب في ميدها=ما ضاع ليل ٍ سرى به مطرق الخيزران
ورجلي لحقها الضلع ما هو ضعف ؛صيدها=رمش ٍ يضيِّق مدى الراهي وسيع البطان
وإلا أنت يا مداوي ٍ حالي تبي فيدها=مع الأسف ، يا عزيزي تآكل الطرطعان
ما فادها إلا وأنا أبخص: همسها وجِيدها=وأعوذ بالله من التيهة ودرب الهوان
لو شفتني يا محمد في ضحى عيدها=ما لمتني يوم أغني : "يا اهل السبرمان"
أتعبت عيني وراهم في جراهيدها=يا شين بعض الدروب اللي علوْ ، وطمان
تبغى الحقيقة ، ولو هو صعب ترديدها=ما مت من حبها إلا ، جننتني اجنان