{ الــــغـــربــــــه } !!!!!

بعد السلام وأرقى عبارات اللقاء والاحترام





من الجديد أرجوا أن يرتقي لأذواقكم


الغربة لها حق كبير ونصيب وفير من الوجدان والتأملات فكان هذا الحدث



أذكروا الله






][`~*¤!||!¤*~`][.][`~*¤!||!¤*~`][

خمسة سنين ٍ راحت اجهـاد واكفـاح=غربة ودرس وقلب يصـرخ حنينـي
غربة جسد من بعدهـا غربـة أرواح=بين البشر لا شـك كنـي سجينـي
أحسب بصابع كفي اللي مضـى راح=واللي علي واللي بقـى مـن سنينـي
أيام تمضي والعمر مـا هـو أمـزاح=من طاش به ينـدم ويصبـح حزينـي
درب الحياة أصعب من دروب الأشباح=درب ٍ يبي عَزْم و صبـر مـا يلينـي
يبغى عفو يبغى رضى لأجـل ترتـاح=ما ينفع أبـداً قـول يـا أمّ أرحمينـي
وأنا سلكته غَصْـب مانـي بسـوّاح=ليـن انجـلا ليـل القـدر والغبينـي
من غيبتي للمعرفـة صـرت جـرّاح=أدرك ظروف الوقـت مـن نظرتينـي
فزت ابتجارب واخفَقَت بألف مرواح=دنيا العجب تسفـه بعقـل الفطينـي
من طيبها أهدت لـي دروع وسـلاح=رفقة رجـال ٍ تنكتـب فـي جبينـي
خالد عويني يشبـه العـود لا فـاح=عطر المرح بالفزعة أصبـح ضمينـي
و قاعد على كنز العطاء طيب وأملاح=نسل الشيوخ اللـي تفـك الرهينـي
و معاذ كاسيه الأدب بشت ووشـاح=جوهر ذهب سامـي مهـو بالهوينـي
و نايف ونوّاف أهل ونس ٍ ومشـراح=وديـان جـود ٍ بالسماحـة تزينـي
أيامي أمضيته على جـروح وأفـراح=فرحـة تغادرنـي وجـرح ٍ يجيـنـي
أنحت على تمثال الأشجـان مسبـاح=أضحك ودمعي حافظه وسـط عينـي
الحظ طيري والشقى صـار ملـواح=في كـل عصـر ٍ بالوعـد ملتقينـي
أسحب سهم قوسي من النور وضّـاح=أغمـض بعيـن وعيـن يالله تعيـنـي
أطلق على النيشان في حذْر وانصـاح=و سهمي يغيب امن السـواد المكينـي
جاملْت غيري وأبتدى جنْي الأربـاح=صادقت مـع نفسـي وزاد الونينـي
واقـع يحيّـر للمتاهـات مرجـاح=يقدم على اليسـرى ويرجـع يمينـي
من عانق الحسرة حقر لطـم الأتـراح=يسخر من اطعـون الزمـان المهينـي
يامـا تعلّـم ذاتـي بكـل مسـراح=من درس عيشي نـال علـم ٍ متينـي
من فوق علم ٍ للأمم عَطْف وإصـلاح=من غيره أوجيـه الحضـاره تشينـي
أرقى العلوم اللي بهـا النفْـع يجْتـاح=وأسمى معارف هالبشـر يـا ذهينـي
كلي خليط امن الخطايـا والأفـلاح=أجمع مسـاوي مـع محاسـن بدينـي
ذقت الخطا مذنب وطهر الندم صـاح=وأحسنت في كسب الثواب الثمينـي
ويالله تغفـر لـي ذنوبـي بالألـواح=وتجبر عـزى قلبـي وسـرّ ٍ دفينـي

وسـلامت من رد وقرأ وشــاهـد



][`~*¤!||!¤*~`][.][`~*¤!||!¤*~`][






أخوكم/

الـقـفـيـعـي - جليس الـدار




ولكم أسمى مراتب التقدير