تـــلعــــــة العـــــفاريـــــــــت

تعّليت بالمطلاع تلعه وونّـيت=يالين الصدر سيّل هموم الليالي
كما زفرت النيران اجر التناهيت=لطمني وهج من داخل احشاي صالي
لحالي بتلعه مابه الاّ العفاريت=تحت ليل مابه نور نجم وهلالي
سرتبي تفاكير الهجوس وتواريت=عن الكون كلّه وا تفكّر بحالي
افكّر بشئٍّ مودع الحي كالميت=ليامن طرالي ما طرا ضاق بالي
غرس خنجره وقتي بقلبي وياليت=ترك خنجره ما لحّقه بالسلالي
ابدْله عنه وآشاغل الفكر وازريت=جروحي دماها جاريه ماتزالي
تقابس بقلبي نار قازٍ وكبريت=عسي الله يعجّل في بروق الخيالي
عزاي الصبر لوهو سوات الدناميت=وصبري يكفّي عن جميع الرجالي
اجاهد ولامن طحت قمت وتعزويت=تطيح الحظوظ ولا يطيح العقالي
بعامين عن صبر المهادي تعدّيت=ولاادري لو انه باقينله توالي
مع احساس قلبي ماتبعت الطواغيت=سلومي عباتي والوفاء راس مالي
سريت الظلام بنور الاحساس واضويت=نفـق عقل يسريبه ويضوي خيالي
امد النظر وابعد ليامن تداعيت=ولا الـد صوب معقّدين الحبالي
عن الكايده مهما حصل ما تنحّيت=يضيق الفضا ما ضاق صدر الشمالي