عرش الزعامه

	قم يانديبي فوق بنزن منمر = مراوحه عند اشتغاله يديره خصايص التبريد لجن وعمر = صياح خفراتٍ على شيخ ديره لو طال خطه راعيه ما تذمر = الياقدح نوره وكمل مسيره يشدي لسودا يوم دلة تغمر = لحاقة معها رهات بمطيره انصى الامير اللي قديمٍ تومر= ما ومره كثر الدراهم واميره نسل السباع اللي تنومس بشمر = لاحل سل مهندن من جفيره ابن الزعيم اللي على المجد شمر = شيخٍ لعسرات المواقف ذخيره لاصنقرت بالقيظ والحزم جمر = فيةّ اجا ولا ملاوي سميره فارس توفى لكن المجد عمر = لو ان يجحد له جمايل وسيره الصيرمي منه القرانيس خمر = ماهي سوالف عاجزن وسط صيره هذا شداده بالمفاخر مقمر= وعقبه عباته جبعتها العثيره عرش الزعامه عقب فارس مدمر= كلن علينا قام يشعب بعيره اسمه على تاج الزعامه مسمر = يجير من طيبه على الصعب جيره لا ياسطم حالي من الوقت دمر = والحر برقع صاقره ما يعيره ياسطم يوم ان المواقف تثمر = وقفاتنا صارت علينا كسيره ياسطم ما حنى دجاجٍ وحمر = رجال قومٍ له زنود وبصيره حنا كسبنا المجد من فوق ضمر = بالحدب ما هي منحة من وزيره اما على روس العوالي نعمر = اقلاع عزن عاصيات وعسيره عرد الجوانب سورها ما يطمر= في عرضها الشيهان يعلف صغيره ولا بكيف اللي يزمر يزمر = وهذي نهاية حقبة عقب اميره