إهداء للشيخ / مسفر بن عبدالله الجبرين

أحبتي في هذا الصرح الشامخ


رزقني الله بمولود والحمد لله وآثرت إلا أن أسميه مسفر على اسم شخص عزيز علي


وهو الشيخ / مسفر بن عبدالله الجبرين الشمري


لا أطيل عليكم وأترككم مع النص

القصايد تمايل ، في خفوقي اتخايل=شفَّها ارجال حايل عالي ٍ مستواها
مثل وردٍ تفتَّق في جديد المسايل=أو دهون ٍ معتَّق فاح عاطر شذاها
شاش راسي ، وراسي فوق ما طال طايل=من اعلوم ٍ تنومس من سمعها أو قراها
ما ابدعوها على ساس ٍ اكرام السلايل=عوذ بالله من البدعة ومن هو بداها
أصدق الحكي حكي ٍ له شهود الفعايل=والتلفِّق تلفِّق لو هدمها وبناها
ومعلم المرجلة ، وأبو العلوم الجلايل=والحضارة ، وشيمات العرب احتواها
ابن جبرين ، وصح إلسان من قال قايل=أبو ماجد له البيضاء بعالي نباها
مسفر وكل ما أسفر عن فعول ٍ هوايل=ما مشى إلاّ بطرق آبوه يلقى جزاها
كم رقبة ٍ عتقها ؟ وأبردن الغلايل=وكم يدين ٍ ملاها ؟ والله اللي ملاها
جعل له في جنان الخلد نزل ، ورحايل=جعل له سقف ، عرش الرب يقطف جناها
ويوم أسمِّي على اسمه والأسامي دلايل=يكفي اسمه أردد به صباح ومساها