اطهر وطـــــــــن

جـــــينا انتــفــــــاخر فيك يادار الايمان=يامنبع الـــــتوحيد ومهد الرساله
بأرضك خلق رب السما اشرف انسان=وانزل عليه الوحي بأحدى جباله
انـــزل عـــليه اقــراء تـــبارك ولقمان=كــلام رب الكون جـــــــــل جلاله
نــــزل عـــليه الحـــــــق كـــــله بقرآن=دــــله طريق الخـير زال الضلاله
يــــــــادارنا بأرضك رفـــــــع ول آذان=الـــــلــــــــه اكبــــــر ولاالهً بداله
رب الخـــــــلايق كــــلها عالي الشان=سبحــــان رب الكون مبدع جماله
يادارنا منّــــــــــك طــــلع خير الاديان=ديــــــــنً رضاه الله يمحى الجهاله
بأرضك نــــمى الاســلام يادارنا وبان=انــــار كـــــل الكون والضلم زاله
ومنّـــك ســمــع صــوتً يدوي بالاذان=يـــقول حــــجو لربكم يـــــوم قاله
وفـــيك بيــــــت الله شاهـــــد للاعيان=قـــــبله لـــــمن اسلم يحطه اقباله
والمصطفى له مسجـداً بأطهر اوطان=مسجـد رســول الله شــوفه ادلاله
هذا البـــــلـــد للــــحق عنوان عنوان=مـــكـه وطيبه هي بـــــلاد العداله
مرت عليه ادهور واعصور وازمان=شــامخ بـــــفضل الله دوم ايحماله
واراد رب الكــــــــون يظهر اكحيلان=عبدالعزيز الـــــــلي وفا يوم جاله
خلا القـــبــــايل كـــــلها ربع واخوان=شرق وجنوب المملكه مع شماله
يالله انـــــــك تـــدخـــــله خّـــلد اجنان=جـعله مع محـــمـــد وصحـبه وآله
ومن بعــــده اعـــــياله حكام شجعان=كـــــلً عـــــطت يمناه بحكمً مضاله
سعود وفيصل مجـــــد يبقى بالاذهان=وخالد كــــسب للخير وفهد الدخاله
ازبنوه شعباً كــــامل اصغار واعيان=وفــتح لـــــهم داره وكسب الجماله
رجـع لهم قــــصــراً يـسمى بدسمان=وفالهم بالفــــــعــــــل راع الشكاله
يامــا دفع من دونــــهم ذرب الايمان= عشر اسنــــواتً يدفعه من حلاله
لوجيبت افــــعاله بتــــــوزن بيميزان=مافـيه مـــــيزانً في هالكون شاله
نهار مـوته صـــــــابنا هـم واحـــزان=كلً بكـــــــا هالــــفـــهـــد كلً دعاله
واطهر وطــــــن ذا اليوم قاده بليهان=خادم بـــــيوت الله قــــــــال ووفاله
خــــلا الحــرم واسع مساحات ميدان=خلاه ياســــع كـل حــــــــــاجً لفاله
حـــراً وفيً لأمـــــتــــــه دوم سهران=مــــــــــــافيه هـــــــمً زاد الا وزاله
يــاما بذل لأصـــــــلاح اوضاع لبنان=وفصايلاً بالـــــقـــــــدس زاد اقتتاله
ولشعب دجـــــــله قال خلوكم اعوان=هـــــــذا اخــــــوك ولايجوز اغتياله
ويـــاما تــــــبرع بأسمنا دوم بأطنان=حــــــب الـوفا والخير اعظم خصاله
يــــاما دفـــــــــع لعــياله فــكل بلدان=هــــــذا تـبرع لــــه وهـــــــذاعطاله
مافيـه مثـــــــــه حــاكمً ويــن ماكان=اقـــسم قــسم بالـــلـــــه انـه الحاله
هــــذا ملــــــكنا الحـر مافيه نقصان=كـــامل مكــمل زايـــــــداً في كــماله
هــــذا ملـــــكنا الحـر هـتان هـــتـان=مــــثل السحاب الـــلي كثير انهماله
مثـــل السيــول الجاريه وسط وديان=نشرب قــــراحً صافيً مــــــن زلاله
هـــذا مـــــلكنا الـــــحر لاهان لاهان=الــــــــــلــــه يعزه في طريقاً مشاله
هـــذا مـــــلكنا الـحر شيهان شيهان=ابــــــــــــــوً لكل الشعب وحنا عياله
قولو لــــعدو العود خسران خسران=ماهـــــــوب ويا الخـــيـر لامن نواله
عدو ابو متعب يــــــــــبّشر بالاكفان=يبـــــــــــشر بمن يدفنه وسط الهياله
ولاينسي سلطان سلـــــطان سلطان=ولــــــــــــي عهد المملـكه طاب فاله
محبـوب بـين الشعب ويجيك برهان=سمـــــــــوه راع الخير راع الشكاله
حكامنا آل سعود بالعـــــون فرسان=مامثــــــلهم بالـــكـــون ياطا ارمــاله
حب الوطن بقــــــــلوبنا ماله اثمان=اقـــــــــــسم بــــرب البيت مابه مثاله
نفدى الوطن بأرواحنا وكـــل ماكان=كـــلً يـــسوق الــــــــروح قـدام ماله
ناقف جميع ولا حـــســبـــنا لعدوان=نحــــــــــمي ســماه ونحــتميها جباله
اطهر وطــــــــن ونقولها بفم مليان=اطــــــــــهر وطــن بالـكون حتى زاله

سعد الشدادي