{ الليالي بوادي والحوايج بلاد }

بعد السلام وأجمل عبارات اللقاء والاحترام


صباح/ مساء الخير والرضا والطمأنينة




أبيات من جديدي أرجوا أن ترتقي لأذواقكم

من بداية حضارتنا عسى الله يعين=ننتشر من منازلنا سواة الجراد
تفرغ أيامنا وتملأ فراغ السنين=الليالي بوادي والحوايج بلاد
و كل نفسٍ ورى الحاجة تمدّ اليمين=و كل يمنى مع المَدّة تمدّ القياد
يدّ تاصل حوايجها بلطفٍ ولين=تاخذ اللي تريده دون جهد و جلاد
و يدّ تضرب على قوّ و تكفّ اليدين=لكن الله حرمها ما تنول المراد
من حضارة آشور وهي يسار و يمين=حكمة الخالق اللي في يديه النفاد
رجلٍ اتدوس بالرمضاء وشوك العرين=صبرها شيمة وقيمة وعرْف وعتاد
و رجلٍ اتدوس بالفيّه وفرشٍ متين=ما تحمّل تسير و تتّقي بالحياد
من يعاشر بشر يلقى العجايب تبين=كمّ واحد عقب ودّه يودّ البعاد
و كمّ واحد عقب صدّه يسوق الحنين=يختلف في قلوب الناس معنى الوداد
المبادي سنابل جوف صدر الأمين=تنحصد لو تطاير وأرضها من رماد
والسنابل لو أنْها فوق ماءٍ وطين=الجهل لا اختلط بالظلْم ضاع الحصاد
كبّر الحلم ويْهون الهدف يا فطين=وأصلح النيّه و جنّب نوايا العباد
وألعن الكافر و ألعن ابليس اللعين=وأطلب من الولي يحميك شر العناد
العصى ينكسر أقرب من أنّه يلين=والحصى لو تحاكيه أعرف أنّه جماد

وسـلامتكم

جليس الدار