أبيات متواضعه مهداه لخوالي ( شمر السناعيس )
وتعتبر هذه اول مشاركه لي
أنا ابن وايل والخوال السناعيـس
اهل الكرم والطيب واهل الحميّـا
أمجادهـم متعديـه دار بـاريـس
فوق السحاب وفوق نجـم الثريّـا
شمر هل الهيل الخضر والمحاميس
فنجالهـم للكيـف دايــم مهـيّـا
شمر هل الطولات واهل النواميس
مليون نعـم ونعـم برجـال طيّـا
شمر هل الفزعات من ساس فريس
احفـاد حاتـم ماعليـهـم غبـيّـا
حريبهم مهما طمع خالـي الكيـس
يرجـع كسيـر ومطلبـه ماتهيّـا
قول الحقايق مايجي به مداسيـس
نعم ٍ بشمـر كـل ابوهـم سويّـا
قلته وانا ربعي حـرار ٍ قرانيـس
قولي صحيح ولا يجي بـه كميّـا
ويلان حنّا الموت لا حضّر ابليس
صغيرنا عن باقـي العمـر عيّـا
جعافره بالحرب ربعـي مقاابيـس
لا ولّعـت فتيـال الحـرب ضيّـا
نارد عل حوض المنيه مراويـس
الياعتلينا فـوق سـرج .. العبيّـا
نلعن أبو حي الردي لابو الهيـس
بمصقل ٍ للمـوت يضـرب هنيّـا
تاريخنا معروف من عهـد بلقيـس
مجد ٍ لنا يبقى مـع الوقـت حيّـا
ولا هو قصور بالرجال الاشاويس
اللي تزيـد بساعـة الكـون غيّـا
**
(صقر غازي الجعفري العنزي )