صديقي والعدو والوقت ضدي = ثلاثتهم علي وانباح سدي
تحديت الزمان ولا غويته = رماني قصب عني مهو بيدي
زماني لا تحملني مشاكل = كفايه لا تحداني تحدي
كل انسان له فتره وجيزه = يقف محتار ومن بعده يعدي
وانا في سكتي محتار دايم = ولا ادري وين هالسكه تودي
تعرضني بحر والموج عالي = تلا طم بين جزر وبين مدي
شراعي من شديد الريح يرجف=اقول اليوم او بكرى يهدي
قليل العرف يجرحني كلا مه =كانه يصفقن كف(ن)بخدي
اطوف غلطة الجاهل لجهله= ولو رديت له عارف مردي
وبعض انسان ليته دوم ساكت=شكل هيكل ومن داخل مصدي
وبعضهم كالجواهر في كلامه =درر يكشف عنه منديل وردي
وانا ماني على اهل العرف شاطر = ولو بي معرفه حلت عقدي
ولا اغلد بثوبي لبس غيري = انا ثوبي من الملبوس غدي