مسا الخير على الجميع
الله يرحمك ياسلطان
اتركها اليكم
يارب نطلبك العفو والرحمه بكل اتجاه=وقت الصلاه او بالمجالس اوبعد وقت المشاه
الملك لك وانت العظيم اللي على العرش استويت=ياللي على عبدك رحوم ولاتخيب له رجاه
ارحم فقيد المملكه سلطان واسكنه الجنان=واجبر عز شعبك نهار السبت من صارم بلاه
هجس القصيد معانقه والوال عيا لايهيد=والشعر ضافيه الحزن والقاف يصرخ من عزاه
وشلون اعبر والشعر يذرف مع دموعه صديد=يبكي وصمامه غدا بين البقى وبين الوفاه
مخالط يوم الفقيد الحزن والعلم النكيد=يارب تلهمنا الصبر ياعالم الجهر وخفاه
الدار تبكي والشجر تذرف من اوراقه دموع=والفجر من هول الخبر يطلب ملاجه في مساه
ام اليتاما تزعج الونه مع الدمع الغزير=من الفجيعه حاكم الاحزان حاكمها بعصاه
الله ياقلب اليتيم اظن طار من الفقيد=يتخيل الصوره بعينه يوم تضحك له شفاه
ابو اليتاما والمعوق غيث وأن جاهم يسير=موقف معوق حايلي يشهد له ويشهد سماه
ضمه على متنه وقال اطلب وبمر الله يصير=كنه من الرحمه خلقه الله وبالهيكل بناه
ولي عهد المملكه سلطان مشكور اليدين=خيريته بسمه تسير ولابعد شح بعطاه
ياعل مثواه النعيم ومشربه من سلسبيل=بجاه رب البيت علام الخفايا من وراه
الله يصبر قلب ابو متعب ويلهمه الثبوت=ويدوم عزه للوطن ويزيد ربي مستواه
واختامها قدرٍ وقع وامرٍ لنا جسر وطريق=يالله حسن الخاتمه يوم الملاقا والوفاه