اقتباس:
المشاركة الأصلية كتبت بواسطة ابو ناصر المحرج
ذا الوقت يتعَب من غدا دومْ حساس= والعمر فاني والزمن له صروفه
في الناس انواعٍ واشكال واجناس =والخط باين واضح (ن) من حروفه
لالا تخاوي واحد (ن) يكره الناس = هذا مريض ويستحق المروفه
يجيه يومٍ يتركك وانت محتاس = ولا عاد تطمع عقبها إنك تشوفه
وابعد عن النمام للهرج دساس = تراه ينقل كل شي (ن) يشوفه
وإحذر من اللي ما يحافظ على اساس = دينه ويترك كل فرض (ن) يطوفه
بالك تخاوي من على اقاربه داس = ما ينفعك لو كنت في وسط جوفه
وترى البخيل اللي يحسب للإفلاس = ونفسه على الدنيا حريصه شغوفه
جمع الذهب مشغله عن كل نوماس = للبذل والمعروف نفسه عيوفه
وخل التفاءل ديدنك واطرد الياس =ياصعبها راعي التشائم ظروفه
وعليك بااللي خوته ترفع الراس = وسط المجالس له حقوق معروفه
ما ينفعك لاجاك قطاع الأنفاس = ياكود فعلك ويش كانت وصوفه
يا الله انا طالبك ماهب نسناس = ماهفهف الغربي وزود هفوفه
تقسم لنا الجنه ونشرب من الكاس =وبصحبة المختار ننعم بشوفه
|
من اين ابتدي واين انتهي
خشيت اقتبس ابيات واظلم باقي القصيده
فانها قصيده عن ديوان كامل
ابيات تتلالا وحروف تسطع
ونصيحه ثمينه ولا تعادل بذهب
احترامي لشخصك الكريم