اقتباس:
اشتقت للقيفان واعجبني الطرق=
من شاعرن صاغ البحور العجيبه
اصعد سماء يابوفهد للسحاب ارق=
ذكر المكارم منك مهي غريبه
الاسلمي معروف بالغرب والشرق=
فيه الحميّه في شبابه وشيبه
فيه الحميّة ورث مايسرقه سرق=
من عهد مروين السيوف العطيبه
تجري حمياهم مع الدم بالعرق=
واهل الكرم يوم السنين الشحيبه
هلا اللحيسه ماخذو طيبهم درق=
مو روثهم ذبح الردوم المنيبه
وارماحهم وقت القا تعشق الزرق=
من عهد ضاري كل حيين دريبه
والخاتمه عداد ماناحة الورق=
صلوعلى مبعوث ربي حبيبه
اخوك/مشعل عسام الغافل التريباني في١٥/١١/١٤٤٣هجري
|
لم استطع ان لا اجاري استاذي الشاعر مشعل العسام ،هي قليله بحقه ولكنها مما بالخاطر
حي البيوت اللي ضياها كما البرق
من شاعرن جزل القوافي يجيبه
يامشعل العسام شعرك خذا فرق
لك شرّد الجزلات محدن يعيبه
اغلب قصيدك حكمتن مايجي قرق
ومثلك يعسف القاف ماهي صعيبه
لا يابعد من يا قصد يخرقه خرق
مستشعرن شعر العرب مبتليبه
ولا انت تحمسها بعيدن عن الحرق
حتى ...تجينا بالمعاني رويبه