هذه القصيده من قصائدي القديمه حبيت اعرظهااا عليكم لاني لم انشرهااا اسنتدها على الشاعر محمد الفهاد المطيري قبل فتره من الزمن
قال الطوالي يوم بالقاف يشكي= من زود همه والغرابيل شاكي
العين دايم بالخفا دوم تبكي= واصارع الدنيا بعزمي وتاكي
يهيض همٍ يحشك الصدر حشكي= في لحظةٍ واخرى توقع هلاكي
ياكثر ماقاسيت واقول بلكي= ارجيك يابقعا توقف رحاكي
لاباس ياحالٍ هومي برتكي = ضيعت بالخسران حزة صباكي
يوم الليالي بالعذاب ابتلتكي= تاخذ ولا تعطي وانا اقول هاكي
ابي اشتكي للي للاثقال يتكي= قرمٍ على يمناه بالله نجاكي
صديقنا الصافي ولا به نشكي =يفداه عشران الرخا والمراكي
جار الزمان وهاجس القلب دكي = ساعات يامحمد يسبب دراكي
زمان يعرف فيه راع البلكي= واللي يقلط حيلها بس راكي
ظيع حرارٍ لتوالي تفكي= ويستاهلك يالبوم يومه قناكي
كيف الذيابه يالثعالب تلتكي= سبحان من غير مدير الفلاكي
البو يالشيهان كيف اعتلتكي= في ماكرك وانتي بجالٍ نحاكي
ويلك على وقتٍ لياله مظتكي= يموت جوع ولا تعرض عشاكي
وقتٍ مضى به شذرة السيف صكي= تحكم بها والبوم ينزل وراكي
ورمحٍ يفج الدرع ويشك شكي= من ظربته مرج السبايا هباكي
رحتي ولاكن العرب مانستكي= ياطايف الاعوام يذكر حلاكي
وانا اشتكي واشوف ناسٍ نعتكي= واشكي على اللي يذكرك مانساكي
ولد المطيري في ثقاله يدكي =شكيتله واعرف زبون المشاكي
نبضات قلبي يامحمد تلكي= سبة زمانٍ داس قلبي وداكي
يالله عسى عسر الليالي تفكي= يامنبتٍ عشب الحجر والدكاكي