الله حيهم عيال العم الله يرحم صدام ويغفرله بس ياعيال العم ترى صدام له ايجابيات وله مآخذ (سلبيات ) (الأفضل أن تكونوا محايدين في الكلام عنه والانسان الذكي والذهين يكون محايد في اللي يقوله)أتركونا من هذا كله خلونا نروح شوف مثلا من (سلبياته) : 1- الرجل أدخل العراق في حروب ومتاعب لايعلمها إلا الله وأكبر غلط لين دخل على الكويت هل حبا للعرووووبه المزعومه اللي أنتم معتقدين فيها (لا يروح بالكم بعيد) الرجل همه الأساسي أولا وآخيرا كرسيه لايروحه وأكيد البترول لاغبار عليه ويكون حسابه عالي في بنوك سويسرا معتقد أن أمريكا راح توفي بوعدها له وتخليه يفعل دولة اسلاميه كبيرة والطامه أن الرجل مصدق (أمريكا مسويه هذه الحركه حتى تتخلص منه ) لو جت على أمريكا ماتريد دولة اسلامية كبيرة اللي تبيه دول مفككه تتناحر مع بعضها هل تتوقع أمريكا تريده يتحكم بالبترول ويضع السعر اللي يبيه هههه كانت راح تصير نكتة القرن
2-والرجل عييش العراق بفقر والعراق معروفه منذ القدم بخيراتها والنعيم اللي عندهم .
3- المجازر اللي أرتكبها على شعبه العراقي واللي أعرفه اذا شم ريحة واحد (مو فقط أنه سمع اذا شم وحس فيه ) يتكلم في السياسه ياليته بالسياسه بس اذا شاف الواحد موعاجبه وضع البلد أو تجمعات جابوهم وحطهم في السجون ياليته أكتفى بكذا هذا اذا ماأعدمهم ومن شدة المجازر حتى أنه وصلت المجازر لقصره يقتلهم ويرميهم في حفر عميقه وكبيرة (ظهرت في قناة العربية) مثل البيارات الله يكركم ايه بعد ياعيال العم نسيت أقولكم على شين ترى قاتل من عيال عمه أو رجل من رجال بناته وش ترجي من شخص مافيه خير باهله وربعه وعشيرته لا والله على فكره عشيرته والنعم بها ومن العشائر المعروفه وهو من قبيلة الجبور الزبيديه (أنا متوقع أن الكثير معتقدين أنه شمري بس تراه ماهو شمري ) - الحين راح تشوف ردود الجايه يسبونه لإنه ماهو شمري معليش في ناس عقولهم صغار وعندهم هذه النعرة الغبية - الرجل اذا بغيت تثمنه تثمنه بالكرم والأخلاق والشجاعة والصفات الطيبه ماينقاس على أنه ولد فلان يرجع لعشيرة فلان من قبيلة فلان اذا كانت الأمور كذا ماراح نتطور وراح نتناحر (معليش الإنسان يتعلم في حياته ومن خبرة الناس ماهو عيب)
نروح الآن على ايجابياته مثلا : من الإيجابيات التي أعجبت فيها
1-أنه بعث العديد من العراقين للدرسات العليا في التعليم وأهتم في العلم اهتمام كبيرا ومن حسابه الخاص
2- شموخ صدام وهو في موقف الموت نحيه عليها وقوة وصلابته في المواقف الصعبة في هذا الوقت كان مفخرة العروبة وصدقوني إني انقهرت لما ذبحوا صدام وبهذه الطريقة القذرة والرخيصة لم يهينوا صدام بل أهانوا العروبة في ذلك الوقت نسيت أفعال صدام التي فعلها من جرائم وأعجبني في ذلك الوقت ان العشائر العراقية فورا استنكرت هذا الفعل وفي مقدمتهم قبيلتي (شمر والدليم والجبور وغيرها من العشائر . وفي ذلك الوقت بدأت المواجهات بين الأمريكان والمثلث السني والله يثبتهم .
3-وقوفه ضد العدوان الصفوي الأيراني (ملاحظه في ذلك الوقت العراق كانت ضعيفة في ذلك الوقت أمام العدوان الصفوي الإيراني ولكن دول الخليج ماقصرت بل عاونته في ذلك الوقت في مده بالسلاح والأموال)
هذا اللي أعرفه وسامحوني اذا طولت عليكم يا عيال العم وعلموني اذا كنت أخطات في شي وعلموني الصح لأن الحياة تجارب بل أفرح اذا واحد علمني الصح وبيض الله وجيهكم ياوجوه الخير .
أخوكم / ذباح الأسود
من عبدة