قال الذي حرك قوافيه الإحساس = من هاجسن باالقلب ولع بجوفه
عبرت عن ما اونست من فوق قرطاس = والشعر زان وهيضني حروفه
ردن على اللي سمعته ترفع الراس = وله القوافي زاهيات عطوفه
لاباس يا راع المواجيب لاباس = نصيحتك هذي تراها مخلوفه
اللي يبي النوماس يبشر بنوماس = يطرد واراء الفعل الجميل ويشوفه
(والناس فيها اشكال والوان وأجناس) = فيها قوي فيها غناه اوضعوفه
وهذاالزمن ياطيب الخيم والساس = مرت علينا يبو ناصر ضروفه
ذل الكريم اللي له الخير نبراس= وعز اللئيم اللي المكارم تطوفه
التبع به ياقف مواقيف قرناس= والحر هزلات الحبارى تلوفه
خالد بن ناصر المحرج
16/3/1432هـ