ترثت نعيس

المشاركة الأصلية كتبت بواسطة متعب بن طواله

اخواني القراء وزوار هذا المتصفح ان القصيده هذي لهاااا قصه وهي بوالدي الشيخ فارس بن محمد بن ضاري بن طواله
المتوفي قبل 16 عام الليله هذي بهذا التاريخ كنت في مجلس اخوي نمر بن فاس
في تعليله الجماعه قالي اخوي تعرف هذا الصوت وهو عباره عن تسجيل صوتي بالجوال مقطع
هوبال ابل ولتوضيح ان هوبال الابل يسمى هوبال وهو عباره غناء على لحن معين
يغنى للابل وقت مسيرهااا حتى تسرع في المشي والابل تطرب للغنااا ويسمونه هوبال
وعندمااا سمعت المقطع فيه شبه واجد من صوت والدي الله يرحمه عندما يهوبل للابل
والذي يهوبل في التسجيل هو عواد بن عياده الخيوطي من الربع وكان من ملاك الابل في الماضي
وكانت لديه ابل مشهوره وكان رفيق والدي عندمااا كانو في الباديه ومع ابلهم فقلت هذه القصيده
عندمااا سمعت عواااد يهوبل ويبدولي انه مسجل من احد ابنائه دون علمه

وش بك تهوبل يالخيوطي بلا ذود= ابكيتني وانا قبل كنت سالي
ذكرتني شيخٍ فقيده ومفقود= اقفى على متون الرجال العجالي
شرقي عليّا يطرقه غربي النود= عليه من ظل الطويله ظلالي
بين الحشام مزبنة كل مظهود= ياما حدر عوج النصايب رجالي
عشرة سنين وست بحساب معدود= عقبه مغاريف النشاما هيالي
وين انت يالليث المزمجر ويالطود=جزل الجناب اللي يروم المعالي
ترثت نعيس مكرسع النقص بالزود= صيارم المجنى زنود الجمالي
لارفرفت ذيك الشوارب على الكود= ارق السنود بروس شمٍ عوالي
ان كبرت القالات والباب مسدود= عزمه يقص مقنتدلات القفالي
والياشبح شبحة طنا ملح بارود= اليا قمعه مذربٍ ثم شالي
في ناظره دايم سنا الزوم ماقود= فارس اليا عدة شيوخ الشمالي
ريف الظعيف اللي من القل محدود= يلقى عن العازه مصافيط غالي
عندي على قولي براهين وشهود= اللي مع الاجناب واللي قبالي
مثل الجبل قصرٍ من اللبن منظود= عطى االبيوت وحط وسطه دلاالي
مجالسه يحرق بها فاخر العود= يفرش بها من جود جوده زوالي
ياما كسبت الفود يامدور الفود= من كف اخوشيمه بعيد المدالي
الهيلعي مدم المخاليب هادود= يمسي بدار ويصبح الصبح خالي
مرحوم ياشيخ النقا منقع الجود= اقفت به الايام هي والليالي
يالله بمرك يرجد المزن ويعود= وينشي ثـقال الغيم مثل المتالي
عسى على النقر هماليل ورعود= ويسقي قبر فارس غديرٍ زلالي

رحمة الله على الشيخ فارس واسكنه فسيح جناته

و صح لسانك يا ابوفارس

على هالجزاله المعتادة

وتقبل تحياتي واحترامي لشخصك

 

 

 

 

 

 

 

 

 

 

المشاركة الأصلية كتبت بواسطة عمار السعدي

ونعم ونعم بكم ياأهل الحميا
رحم الله والدك وصح لسانك

مشكووووووووووور اخوي عمار السعدي ماقصرت
ممنون لك
دمت بكل خير

 

 

 

 

 

 

 

 

 

 

صح لسانك على القصيده الاكثر من رائعه



عندي سؤال اخوي متعب لوسمحت ....
هذي القصيده اللي مطلعها يقول
أسودت الدنيا ونور الفضا غاب *** وأهتزت عقول الرجال الرزينه
قالوا الخبر وقلت الحزن والفرح غاب *** فارس خذاه الموت واقفت سنينه
مرحوم يا فكاك عسرات الانشاب *** ريف الضعيف وعز من يلتجي له

هل هذه القصيده لك او لا؟
واسمح لي القصيده اطول من كذا بس انها قديمه وناسيتها

 

 

 

 

 

 

 

 

 

 

ابو نشمي العتيبي
مشكووور على تواجدك هناااا وتعليقك الرائع
ممنون لك اخي العزيز
كل عام وانت بخير

 

 

 

 

 

 

 

 

 

 

المشاركة الأصلية كتبت بواسطة ارتفاع

صح لسانك على القصيده الاكثر من رائعه



عندي سؤال اخوي متعب لوسمحت ....
هذي القصيده اللي مطلعها يقول
أسودت الدنيا ونور الفضا غاب *** وأهتزت عقول الرجال الرزينه
قالوا الخبر وقلت الحزن والفرح غاب *** فارس خذاه الموت واقفت سنينه
مرحوم يا فكاك عسرات الانشاب *** ريف الضعيف وعز من يلتجي له

هل هذه القصيده لك او لا؟
واسمح لي القصيده اطول من كذا بس انها قديمه وناسيتها

مرحبااا بك اختي الكريمه اشكرك على تواجدك هنااا
والله ماد ري من صاحبهاااا ولاكن هقوه وليس تأكيد ارجح ان تكووون بين شاعرين
وهم من الطواله الاول الشاعر /مرس بن مسير الطواله
او الشاعر دغيم بن زيد الطواله
ولا اكد لاكن مجرد هقوه
كل الشكر لتواجدك