شكرا على هذه المعلومه
واود ان اذكر ما دمنا في هذا الصدد قصيده للشاعر (هلال الصلفيج)مؤلفه من مائه وخمسة بيوت في قبيلة شمر / وسوف اذكر ابيات منها
شمر مثل سيل الفراتين لوساب *************** مي المجاري ما يعذرب شرابه
وشمر مثل طود شمخ فوق الاهضاب ********** يكبر مع كبر العواصف صلابه
وشمر مثل نجم الدجى دوم لهاب ************* مثل الكواكب بالسما يقتدى به
وشمر سيوف ماصدى فوقه اكراب ********** المسعد اللي بالشدايد هوابه
وشمر هم الزهيد كان الردي هاب ***********عمارهم عند اللوازم اجلابه
وشمر براكين الغضب ضد الاجناب ********* وللصاحب اسهل من خفايف ثيابه
وشمر كما الحنظل على كل طلاب *********** واحلى من السكر على من لجابه
وشمر ذرى الخايف اذا وهوس ولاب ******* عز الدخيل المال وكته وجابه
وشمر هل الردات عيين الاطلاب ********** خصيمهم مفلوج يوم الطلابه
وشمر هل الطولات زاكين الانساب ******** من معدن ما يلتقى به شوابه
وشمر طنايا من الطنا شالو القاب ******** ليوث كواسر لاطنت ماتجابه
وشمر غدو برميح والمرسله خاب ******* وعركاتهم بيص الغضنفر غدابه
وشمر سنام المجد والمجد له طاب ******* بيت الكرم والجود شمر اطنابه
وشمر على كل المواجيب تعاب ********* اهل العقول الفاهمه واللبابه
وشمر لهم مرقى على كل مرقاب ******* وتلقى لهم في كل ديره مهابه
تاريخهم ماينحصي باكبر كتاب ********* الشمري يحتار قاري كتابه
هلال الصلفيج