سلام يابحر الصخا سلام ياليث العنيد=سلام ياتاج الفخر اللي له الطيب انحنا
ممدوح ياعز الخوي الداهيه الحر العقيد=يادرعنا وقت اللقا بالموزمه لنا ثنا
ممدوح قرم ليانتخا أإشقر على المرقب يصيد=يشبه سنجار بهيبته في عوزنا ياقف لنا
ومحمد الحر العديم من مصقر نادر فريد=طيور شلوى عزوتي تسكن رواسي جبالنا
ياذخرنا في ضيقنا في وقتنا الصلف الشديد=فيه الكرم من الدويش ومثل المحزم لياطنا
ياشيخ لك علم ٍ دوى من البحر الاحمر للصعيد=من اطراف نجدن والحجازصيتك وصل
يازياد ذليت العدا بالحكمه والراي السديد=مرباك في بيتن قديم ع الفرسه والطيب ابتنا
يمناك ماتكل العطااتجود بالجزله وتزيد=ربيعنا بعد المحل تفرح بقربه ضعوفنا
ومعن كـّ الشبل الهزير النابغه وعقله رشيد=حلال دوم المعسرات كحيلان يبقى فخرنا
بيطار فكر وشرعبي بحضوره يعتز القصيد=لياقال يفعل مايحيد وبمدحه القاف اهتنا
حييت ياسيف العلي مسلول على عنق الضديد=من يتحدى مسندي غلطان على عمره جنا
يسلم لنا عبدالملك سرحان شوفاته بعيد=شبه الثريا بطلعته عالي يظل بعيوننا
الشيمه طبع الاجودي للشمري جاه وسنيد=عيال علي صقرتي لياضاقت الدنيا بنا
وتلقى الصياني مقلطه بسمان مع رز وثريد= وترحيب شيخ ٍ حاتمي للضيف من بعد العنا
ياالله تزيد شيوخنا بالخير والعمر المديد=اللي بنو صرح المجد شامخ يظل لااجيالنا
يفداكم الهيس الردي اللاش العفن البليد=بخيل مامد اليمين ناكر مليح لطيبنا
جبت العلوم النايفه من صدق وافعال ٍ اكيد=نار الدويش ماتنطفي يبقى لمواريثه سنا