هلابك اخي العزيز/ مجروح اسعد الله صباحك بالخير والمسرات
بنسبة لـ سوالك عن القصة التي نقدت القهوة فيها في مجلس محمد بن رشيد اعتقد انها واضحه جدا وفيها شواهد كثيره ولامجال في للاختلاف عليها لمن اراد الحقيقه وسبق ان تحدث عنها الرااوي الكبيرالشرهان اكثرمن مرة
وقال فيها الشاعر/ محمد أبا الروس الذويبي ( من قبيلة حرب ) القصيدة التاليه
في لقصة المشهورة يقول فيها :
تستاهل الكيف الحمر يا بن وايل = أنت الذي تستـاهل الكيف كله
يللي نقدته وسـط ديوان حــايـل = لولاك يا علوش محدن فطن له
بدلال من يـقعد صـقـا كل عايل = الضـيـغمي ريف اليدين المقلة
الضيغمي مردا المـهـار الأصايل = يا ما أنقطع بساقته من سجله
يا بن ظويهر مـا بها قول قــايـل = تستاهل الفنجـان لا جا محله
يا نــاقـد الدلال بحكـم الدلايــل = يا ريف هجن والمزاهــب مقلة
ربعك بني وايل مجاز القبـــايل = أهل الجموع الراسية والمظلة
زبن الدخيل اللي توطاه طايل = الجمع دونه والرمك مردف له
وفي القصيدة مدح لعلوش وإبن رشيد ( الضيغمي ) وعنزة ( بني وايل ) الذي وصفهم الشاعر
ورد الشاعر/ علوش بن ظويهر العنزي
يابن الذويبي يارفيع الحمايل = لاهنت يازين الهليب المتله
الى جاء نهارٍ فيه جاير وصايل = والكل سيفه من جفيره يسله
يومٍ يخوف به رجيف الأصايل = وتبينت للقوم ريبه وذله
والدم من ضرب المزاريج سايل = والسيف هامات الجماجم عشله
ياحامي المظهور يوم الهوايل = يامظهره من بين قومٍ مغله
يادرع من صكت عليه الضوايل = يومٍ به الديان يدور بظله
حلياك حرٍ مايصيد الهزايل = شره على الخرب المطرف يتله
يامرحٍ بالسوم راعي العدايل = الى جن من المنكاف مثل الأهله
من لابتٍ اهل الفعول الجزايل = والفعل يعرف والفعايل مدله
امل اني قدمت لك ماتبحث عنه ان شاء الله
مع اجمل التحايا والاحترام للجميع