خلك نقي وصافي(ن) دايم الدوم=وأبعد عن المال الحرام وطريقة
لايخدعك من يرسم آمال وحلوم=ضعيف دِين ، ومتجه للحريقه
وابعـد عن علوم الردا كلهـا كوم=واحذر ترى حِمل الخطا ماتطيقه
طاعة ولي امرك على الدين ملزوم=الله امـرك بطاعتـه ف الحقيقه
ماينحرم من رحمته غير محروم= اللي مع ابليس اللعين وفريقه
لاطحت ماينفعك ياصاحبي لوم=ولا عـاد يفـزع لاصديـق وصديقه
والعافيـه مـاتنتثمن مـع النوم=كم واحد(ن) ليله يعيشه بضيقه
اضرب فجوج الارض والرزق معلوم=الـرزق ربـك كافلـه وتحقيقه
وترى ثلاثه نوب يطلع بهن شوم=بيتك ومركوبك وزوجه رشيقه
s.s