ياسلام الله على شمر العز الكرام
شمر الوقفات شمر هل المجد التليد
شمر الزهيد شمر مطوعت الخصام
ياسناعيس الفخر ياهل الباس الشديد
عبده الغلبا هل المجد مروين الحسام
والطنايا زوبع العز والعزم المجيد
هامت التاريخ سادو على كل العظام
واسلم حصونن ل طي العريبه ماتحيد
الحميه والطناخه لهم ورث وسنام
قلها الوبير عواد في وقت الرشيد
شمر الموت الحمر لالفا الجمع احتدام
وين شمر وين ذباحت الشيخ العنيد
كرسي الامه لسالم فعل ماهو كلام
بلغ الغانم وقله على القمه نسيد
سالم الدالي لفى باسم شمر الحشام
لجل سالم ياالجزايل تغني بالقصيد
يسلام الله على سيف شمر والسلام
ادحم ادحم يابن عمي وكلن لك عضيد
ياصباح النصر وانتا لنا درع وحزام
سالم الدالي زبون المجنى والرصيد
راس قوم وشامخ الهامه وعالي مقام
طيبكم ياابو لطيفه ماهو شين جديد
وارثه ياذخرنا من خوال ومن عمام
كاسب الطولات ياالدالي ورايك سديد
سيرتك نفخر بها ياالزحل بين الانام
انت فخرن بالكرم بعد حاتم والمهيد
ونشكر الله الولي في البدايه والختام
ونطلب الله ياابو ابشر لكم عمرن مديد
الشاعر فواز فهد المختاري