جيتك اعزي بعزوتي نافل الجيل
في موت احمد ي الأصيلة العذيه
عسى الصبر يلقى بقلبك تساهيل
يانسل شيخ(ن) " مايمن بالعطيه
ابوك سعود الهيلعي ونايف سهيل
وخوالك الباشات " " زبن الونيه
مالوم عينك ليا بكت تالي الليل
وشلون ماتبكي العيون الشقيه
على الذي ماله "مع القال والقيل
ولد " "الشجاع " المايهاب المنيه
ورث خصال الطيب من الحلاحيل
من ضاري ومشعان رفاع السميه
حر(ن) ابن قرناس مايرضى بالميل
نفسه عزيزة " ومامشى " بالرديه
مرحوم " عد الحمد وعد التهاليل
واعداد مانذكرك بصبح " ومسيه
وعساك يااحمد بجنة "مضاليل
مع الصحابه " والنفوس التقيه
هذي هي الدنيا جمله وتفصيل
اموات اعيال "اموات يالأجودية
بقلم الشمرية المجهوله