{< دمـع النــدم >}
عيت عيوني عنك تمنع نظرها
ما ألومها يوم النظر عالقً فيك
تذكّــرت نظــرة حـبيبً آســرها
وتذكرت لحظه جفــاك وتخليك
عينك من الحسرة تهامل مطرها
وانا أتردد حايراً،، من تجافيـك
اهل الحسد من سبتك ياكــثرّها
حتى أخدعوك وغيروا في مباديك
حاولت آداري حالتكـ وآعــذرهـا
وانسى مرارة حبنا عقب حاليك
حاولت في نفسً تزايد كدرهــا
عيت تطيق الوقت وعيت تعاديك
شايف تعب عينـك وكاشف سهرها
ودمع الندم فيها يبيعك ويشريك
حذرت من عين العذول وخطرها
وقلت انتــبه يوم العواذل تباريك
ومافاد تحذيري وضعت بخبرها
وعذبت قلبً صادقً كان يغليك
راحت ليالي حبنا وأعتبــرها
قصة غرام احباب، ماتت تناديك
واليوم نفسي ماتبي من خسرها
لو هي تحبك غصب تنسى لياليك
واليوم عــيني عنك تمنع نظرها
ماعاد يعنيــها غرامـك وطــاريك
وســلامتــكم