دخلت قروبكم صدفه=ماني بالسابق اعرفه
وعرفت انا منهو خلفه=ابو عبد الملك مشكور
ماقصر قام ورحبي=عساه يحفظه ربي
مااكبر معروفٍ كسبي=ماجاني من صوبه قصور
وانا لقروبكم معزوم=واللي عزمني قاد القوم
خالي فهد قوي عزوم=لانه حرٍ طويل شبور
ذكرنا الله وباركنا=وجزل القصايد شاركنا
لوكان الوقت يدركنا=دون الواجب مافيه عذور
خصيت قروبكم باابيات=مدحنا ربعنا بالذات
رفعنا عالي الرايات=ولنا مع القبايل دور
انا شاعركم المعروف=مااركب على شد الردوف
ولد عمي ذاك معيوف=الشويب عندكم مخبور
الطيب براس عبدالله=الكل منكم يدله
راع الشجاعه والمله=ابو تركي حكيم الشور
وانا شديت الحبل بيد=ماني بحاجةٍ لاحد
والشبل من ذاك الاسد=قالوه من وقت العصور
ونرجع لكم ياهل القروب=شمسكم شامت للغروب
والوقت بيننا محسوب=يكتب لنا بين السطور
سجلنا عندكم يومين=وعرفنا كل زين وشين
والخافي لابده يبين=جربناها نقطة عبور
من بعد ماجانا كلام=من قاله مافيه احترام
يمشي وينبش بالظلام=وحنا نمشي بضو النور
وقررت اسجلها خروج=ماجيتكم اعدل عوج
بقروبكم بعض العلوج=ومااعم انا كل الحضور