يمناك يانوماس شمركحيلان=فدا فدوك المتقين الرخاوي
نومست ربعك ياسلايل بليهان=ذيب النشاما يابعيد الحراوي
توكل الله وادحم البل بسمان =صفرن وهلهن حضبوهن حضاوي
الزين فيهن جل جملات الابدان=يشفق لدق وصوفهن الهواوي
فيهن تجي قيفان وتشد قيفان=الطرق يحلو واللحن والحداوي
وان ماثنيت اليوم وابدعت الاوزان=ماني من اللي يلحقون المخاوي
من راس راسي جن وذفات وحسان=مصدارهن عدن قراح" رهاوي
جل الوقار اكبارمن كبارشلقان =من روس ربعي مهدي له هداوي
اعيذهن بالله عن كل الاعيان=متعوذ"من كل شفح" شفاوي
جاء للظفرياشيخ حروه وميدان=نصر"من الله منزللك سماوي
قدامهم ياشيخ في صفر الالوان=ورا الهقاوي يازبون الهقاوي
اليوم يومك عد ياذرب الايمان=لعيون شمرلنتختلك نخاوي
قده تجي قده وقده بوكدان=ان قاله الله ماتبيله فتاوي
قدام ياخالد نواميس جدعان=زيزوم ربعه لاعتزوبه عزاوي
خذ الثنا والفوزياطير حوران=يالحرالاشقريالعديم النداوي
انتم هل البل يوم روغات الاذهان=عنكم روا التاريخ ولسان راوي
عنده الياثارت مقابيس دخان=سوق المنايا بيعكم والشراوي
صفر"تورثهن مواريث جدان=يستاهله شيخ" عليهن قصاوي
الشاعر : بشيربن راضي بن غريب الشلاقي