تباهى تفاخر في جمالك اظن حقك = لان نعمه الخالق على العبد يشكرها
في نظرة عيونك في محياك في خدك = ارى آيات يصعب غير ربي يسطرها
لذلك انا لله اوصيك في رشدك = والنعمه اللي وهبك الله قدرها
وعيش بصفات البحر في جزرك ومدك = حالة غموضن تبي منهو يفسرها
وخلك سراب وتحدى من يصل حدك = خلك قصيده شعر مجهول شاعرها
وبالك قصور الفخامه لا تغرر بك =تعيش لوحة رسم لاعيان ناظرها
وخلك لمثلي قنوعن عايش لاجلك= يشوف فيك الغناة وكل بشايرها
ترى الغني مايبي كل درتن عندك =يسعى وياخذ من الادرار نادره
ولذة حياة البشر ليا زاد به همك = ثم لاح خيط الامل فرج كدايرها
ماهي حياة الترف والكل يخضع لك =ناسن تبيك لهدف زيفن مشاعرها