البارحه كلن رقد يابن فهاد=وانا عيوني نومها مهتنتبه
هاظة هواجيسي على القلب وراد=في ساعةٍ كل العرب رقدتبه
المر ذقته والقهر يابن الاجواد=والنار في قلب العنى ولعتبه
عزي لمن مثلي تعرض للازهاد=ولوعات بقعى بالمهالك رمتبه
كني عليلٍ والمرض حيل به زاد=والادويه بنواعها ماشفتبه
اسباب من حبه مع الوقت يزداد=بقصى الظماير والضلوع اعتنتبه
قلبي سواها يامحمد فلا راد=وانا اشهد انه يالمطيري غدتبه
اقفى وخلاني عنه دوم نشاد=سود الليالي نحته وانتحتبه
رحل عشيري بدل ابلاد ببلاد=ودارٍ بدارٍ ثانيه وسكنتبه
مريت داره عقب شهرين ماعاد=مهجورةٍ ماكنها دوجتبه
ماوسطها يا كود يباس الاوراد=من عقب خلي ميته واحتنتبه
واثاث وسط الحوش تلاف وجراد=وبعض الجرايد والرياح فتلتبه
وقفت اطالع دار مركوز الانهاد=وشفت المكان اللي معاي جلستبه
صفقت في كفي وعظيت الانجاد=ودموع عيني غورقن وذرفتبه
وجدي على اللي بدل القرب ببعاد=حيث الفراق اللي جرى مارظتبه
وجود من ربعه يلزون شراد=راحن كراديسٍ بهم وصقطتبه
بوجيه قومٍ عنده المنع مافاد=خلوه ربعه والعدا ظيقتبه
لحقوه شجعانٍ على الخيل لكاد=ارماحهم ماعاش شخصٍ صطتبه
سجه عديمٍ يوم رب الملا راد=بشلفى سنينٍ ببهره ودلعتبه
هنديةٍ حده شطيرٍ وقداد=حين سفته من الفرس زلفتبه
وقع ودمه سايلٍ والوجع كاد=برضٍ خلا بس الجياع هرفتبه
نهض يطالعهم يبي واحدٍ عاد=ولافيهم اللي سابقه عودتبه
يشدن بهم راحن مجاويز وافراد=جفيل ريمٍ مع حمادٍ دوتبه
ماله جدى ياكود كثر التوجاد=في سهلةٍ سحم الذيابه عوتبه
على هنوفٍ عقبها عفت انا الزاد=الجادل اللي سعددارٍ مشتبه
عين جبليه عنه الجول لباد=لاطالعة جول الحباري عثتبه
قظاظ ريش الخرب ون دفته زاد=ولانجمة عمد وراها رقتبه
والراس لاقظته في حفل الاعياد=شليل شقرى بالطراد كسرتبه
حدر عديمٍ لختلط عج وطراد=تصهل اليا منه انتخى ورمستبه
شيخٍ شجاعٍ للمعادين ظداد=يرمس اليا من الردي صفحتبه
صلاة ربي عد وبلٍ ورعاد=وعدة بروقٍ تكتشف ولمعتبه
على النبي عد النباتات وعداد=عدة حجيجٍ بالحرم هرولتبه
صح السانك جزل الشعر هنا