الحمد لله رب العالمين..
وكما هو الشعار في المنتدى مجد الأجداد يتوارثه الأحفاد..
ولا تزال قبيلتنا الغالية العريقة شمر..تنجب الكرماء..
أن مات حاتم الطائي..فقد ولد وسيولد حاتميون غيره كثير...
الشيخ عوض فهيد الغيثي الشمري..يسكن في مزرعته في الخطة..
ليس الوحيد في القبيلة بالكرم والجود..ولكنه كغيره من أبناء شمر..
كتبت عنه أحدى الصحف عن كرمه وأنه قد ولد حاتم من جديد..
وزارته قناة الصحراء ووثقت عنه فلم..وأنه حاتم الطائي الثاني في حائل..
وهذا فخر لنا أبناء قبيلة شمر وحائل والجبل عموم..
أترككم مع الأبيات..
أبيات في مدح حاتم الثاني..
قال الذي عذب المثايل جابه=كاللولو المكنون نظم كتابه
يجيب من زين المعاني حوره=إليـا بغاها أقبلت منســابه
غاص البحـور وكل موج هادر=في مظلم أعماقــــه وفي غيهابه
وأختار من دره ومن ياقوته=ما يطرب أسماعه يخلب ألبابه
شاعر وأفاخر في هلي وربوعي =وأفخر بنفــــس للــعلا وثابـــــه
شاعر ولي بالشعر فن ومبـدأ=للحرف عندي منـزلهـ محـسابه
أنـا أمدح إللي مدحهم مدحن لي=ولا أحــب الســــــب والسبابه
مـا أطمن العالي ولا أرفع طامن=كل عــــلى منزاله إللي جـابــه
الحر يبقى حـر صيرم نــــادر=في ماكرهـ وإلا عـلــى مركابه
يبين يـا هدوهـ سطوة فعـله=كله سوى شيهانــها وعـقابه
الفعـــل يفرق والمغنــــي قاله=كـل يدسم شاربــــه مخــــلابه
سلام يـأهل الفعل وأهل الطوله=سلام مــــــني والســلام أبـدابـــه
سلام مـــن قلب ورووح ولهـى=لضيوفــــها لأصـحابها وأحبـــابه
ســـــلام مـــني والسلام معمــم =لربوعــــــنا بــحضورهــا وغيابه
وأخص بالتسليم مـن جمعـــنا =حـلو النبـا تسليمه وترحابـــــه
سلام ابن شيحان حق وواجب=عوض فهيد الشمري وأقرابـــــه
الشيخ أخـو سلمى عريب المجنى=من لابة يـــا حيــها مـــــن لابــه
مـن روس شمـر لابتي سنعوسي=أشـرف نسب ياعدوا النســابــه
شمر هل الطولات وأهل العليـا=أرفع بهـــا صــوتي ولا ني آبــــه
كـــل المحامـــد والمفاخــر كلـــه=مـــا هــي لنـــا حذيـة ونــهابـه
فعـــل يدك الصــــم قوة عــزمه=حــتى غدينـا للفـــخــر كسابه
بس الكـرم يغني ليـــــا عـدونــا=من مثلنــا عشـى جيـاع ذيابـه
حنـــــا نفاد المـــال حنــــا بــذلـــه=نـقول خــوذهـ ..للذهـب وهــابه
أكرام ماهو بس جــود ومـــــــده=ترخص نفوس أشــبالــها وشيابه
شجعان يا ثارت علينــــا الثوره=يا لولشت غيـدا زهـاه خضابه
مفتـــــاح مــنا بالشدايد نــــوخ=والحرب نــاره تظــــطــرم لهابـه
حنــا حديــد السيف حنــا حده=حـنــا مضاريبه وحنــــا نصــابـــه
حنا سناعيس الجبـل يــــا غلــبا=مغلــوب من حــاول علينـا غلابه
أســد ضـــواري ساطيات قطــع=تـرخص عمــارهـ دون كـل الغابه
أبو فهـــيد الحاتمــي مـــــا مثــــله=مــا بيــنه وبيــن الكــرام مشــــابه
أبو فهـــيد الشمـــري من مثــــله=لـه سيرة بــأزكى المدايح طـابــه
عـن حاتـــــم الطائـي فرق بالمله=لــه منهج السنة ووحـــــي كتابه
بأفعال حاتـــــم.. بمنازل حاتــــم=فـي صيـت حاتم .. سيرته وأنسابه
كــــل المكــارم كلـهــــا فـــــي كفـــه=طـــــاوع رسنها ما ثنته صــــعابــه
بــنا بنفســه بيــــت مجـد وعــــز=بيت رفيـع بــه وشــــد أطنــابــه
صـــــبر يعجـز الصبر كلـــه دونه=سنــدا المراجــل معــتلي مرقابــه
أبـو فهـيــد إن عـــد فعلــه بيــن=كل الظروف الكايـــدهـ مــا هابه
أبـو فهـيــد إن عـــد فعلــه نــادر=ليـا كشــرت سـود الليــــالي بنابه
حــيل تقلــــط والمنــاســف مليـــا =لقريبــــــه وإلا بعيـــــــد أغــرابــه
بـــن وهيـــــل وزعفـــــران فاخــر=والعــود الأزرق دايــــــر بأطيابه
جمعة نشامى كــل يوم عنـــــده=هـــذي دلالــه واقــف صـبابــه
كريم من لا شــي شــفنا جــوده=والله عوينــه يــوم بـرهج بابــه
كريم لامن شي يرجـــــي منــه=لله طيبه مــا قعــــد يـمرى به
كريم يبــذل حاجــــته للعانــي=يــوم العــفون لمالــها حسابه
يبــش وجهه والله إنـــي شفــته =يا كثروا الضيفان حول أعتابه
الضيف من يقبل وهـو لــه والــم=حنــى قبـل لا يبــركــن ركابــــــه
هــو الدفاء وهـو الذرى بشتــاها =فـي ليلة مــن بردهــا هـبابــــــه
هــو الظلال ونبع مـــــي بــــارد=في مهمه شمسه تزيــــد إلهابـــــه
الحمــــــــدلله دام مثــلــه بـــاقـــي =في همة لــو شــاب هي ما شابه
عساه دايـــــم يــا تــمنــى قــاوي=عســـاه بالصحــه يجـــــر ثيــابه
عليــه مني كــل صبـــح وممسى=أصدق تحيه مـــن صميم ألــبابــه