سلام ياقرمآ عريب السلالة
ياراعي الفزعة كبير المواجيب
ياكاسب النوماس في كل حالة
تهون عندك قاسيات الاصاعيب
الطيب فطرة وانت راعي جمالة
على جبينك فعل الأمجاد والطيب
ياناصر ابن مشيط قدرك لحالة
تاقف بحزات الوغى وقفت الذيب
ياناصر الأمجاد كلآ سعى لة
ولاانت جتك بلا مواعد وترتيب
فطرتك مطنوخآ كريمة خصالة
وابوك وجدودك كرام المناسيب
قريحتي يمك تحرك جزالة
ينخاك من صدره بوسطه لواهيب
وضاقت عليه فجوج نجد وشمالة
ولاجاك يلقى له تحية وترحيب
من ماكرآ مافيه عفن ونذالة
ماكر حرارآ مدميات المخاليب
واللي تعزوى فيك يرتاح بالة
ياكاسب الطالة عطيب المضاريب
تشوش طنخة عز ماهي جهالة
ياراعي ابشر في كبار المطاليب
عقيد للعليا شبورك طوالة
زيزوم تزهى لك كبار المناصيب
تكفى وجزل الشعر هذا مجالة
انخاك واهدي لك جزيل المكاتيب
وان قلت لي تبشر بعز وبسالة
تطيب من قلبي جروحآ معاطيب
الشاعر // بدر محمد الخمسان