البارحه صـورة صبـا وش يجيبه
هبّت ملامحها هبوب النسانيس
يابعـدها لو كنـت اشوفه قريبه
رهبانهـا لـ اجلـه ادق النواقيس
طهارة الماء جوفها ينحكـي به
بنت الطهاره روحها والأحاسيس
يالايمـي مـن كثـر مـانا اهذيـبه
خلّ الخفا بـ لقلب خلف الكواليس
صارت حياتي بيّـن شكن وريبه
غيره اشوف الناس كلّه ابالـيس
لـو كـل غالـي بدنيتي يِنهقيبـه
ماردن الهقوات يمّي مفـاليس
الظلم بين الناس يفتل سـبيـبه
والخير هرم ولا لقاله جواليس
والحـق زيـن وكلـنا نقتـدي بـه
بس البلا خطه قفر مابعد ديس
والسـود راياتـه بِـراس الـجديـبه
تنكست راية هل البيض تنكيس
مثلي دفـع في دنيته كم ضريبه
اول ضرايبها السهـر والهواجيس
همي وظرفك ياحيـاتن عصيـبه
صدري وطنها والحنايا تـضاريس
في معركة ذاتـي حكايه عـجيبه
صراع هتـلر واجتياحـه لباريس
اذبـح مصيبـه تنولد لي مصيبـه
انطح كتايب بيّن رجـلّي وفريس
وجـندلتهـم والله كـتيبه كـتيبـه
من دون جيش ولا عتاد ومتاريس
لي راس يرفض مايحب الغليبـه
مازعزعـوه الخـايبين الـدنافيس
الاصوك اللـي كـل طيبن يجيبه
يآبى نعيـش الا حياة الاشاويس
بـ اللي سمع صوت النمل في دبيبه
راسي ماذله لـ الرخوم الدنافيس
نظرة عيونه لـ السماء مو قريبه
العـالي اللي كالنجوم المراويس
دام النصـر بعيـونهم صار غيبـه
مايشغلوني مرسلين الجواسيس
عـوج الحنـايا كـل ابـوها رحـيبه
اضحك واشوف شدوقهم لي معابيس
اضحك لو اني من دمار لخريبه
البـاز مايـرقـى لـمقـام القـرانـيس
البارحـه راحـت وانا خاطري به
طيفه يبل عروق قلبن ميـابيس
واليعـربي ابـيـات شـعـره عريبـه
نبعه زلال وصافين مابعد حيس
دلـة قـصيـدي مايـوقف سريبـه
اجيب جزله واحمسه بالمحاميس
اخـذ وودي بـ البيـوت الـرهيبـه
لولاه تبقـى بالحنايـا مـحابيس
بحـر الفكـر لعـيونهـا نعـتـني به
انا وجاشي في محيطه غواطيس
هي عامرية شعر منّـي نصيـبه
حطيئة الهاجوس ولا امرؤ القيس
صبـا ابوك بشبـته وبـ مشيبـه
يشعل عليك من السعاده فوانيس
صبـا ابـوك وسـادتك يعـتـني به
عينك تنـام وما تجيك الوساويس
عيشي تحت ظلٍ يظلك بـ هيبه
ظل الجبل ماهو ظلال القراطيس
مادام راسـي شـمّ هـبـت مغيبه
عرشك بصدري ادخلي فيه بلقيس