لنّا القمة اشوفه لـ الطنايا
محرّزت النواميس الدهايا
رزقني ربي المعبـود شـمّر
بجوفي للفخر تسمع صدايا
وردنـا منهـل العـز وشربنا
وصـدرنّا ولا حـنا ضــمايا
تبجـحنّا تبجـاح القيـاصر
على التاريخ مع كل الزوايا
وتوافدنا وفود ايوان كسرى
على الامجاد بجموع وسرايا
وتـربعـنّا تـرِبّـاع الـخـليفه
على روس الاكابر والعصايا
زرعنا المجد واسقيناه فعلن
يدرس مـن مـزاياه الـمزايا
وبنينـا عرشـنا كـابر لـ كابر
يجلسنـا على روس العـلايا
وتواضعنا تـواضع كلّ زاهد
نمّد الطيـب مانرجي جزايا
اخذنا صيتنا بـ الطيب وادي
وتركنا لـ المـناعير الشغايا
تقدمنا على الـرايات كـلّه
وتآخرنا عن فعول الردايا
رفعنا اللي يعاهدنا بجيره
وتوطينا على روس الحيايا
وصرنا ننعرف بـ القاب منها
وساع طعون وكبار العطايا
هل اللحيسه وسفره حاتميه
زمان الجوع من بين البرايا
وغلبا من كثر غلبن غلبنا
سناعيـس وصناديدن بلايا
تسيـدنا على شـبه الجزيره
وتمكنّـا على جـرد السبايا
تسلطنّا على بنت الكحيله
وبنات كروش ماجتنّا هدايا
لنا السيف ولنا الشلفا ودرعه
ولنّا روسـن تعـادينا ضحـايا
ولنا مدح الخلايق والقبايل
بـدو ولا اهـل مـدن وقـرايا
تنومس راسي الاصوك بشمر
تنومس عرقه وكل الخلايا
ادام الله مقر الطيب فينا
وعسانا دوم عذبين السجايا