جتني تشيل من الضمى نجـد وأهوالـه=جتني تقول إن القدر يمشي على كيفـه
تمشي وتشيل من الصبر ...بدو ٍ وخيّاله=تاقف بموقف عنتر العبسي ولد سيفـه
جتني تثنّى والطرب يلعب علـى شالـه=أسهل من المااا..عندي الفـن تلحيفـه
كم عاشق ٍ قبلي شهـر سيفـه لعذالـه=وكم عاشق ٍ بعدي يبي دربي وتزحيفـه
جرحت الأسود من تحت نحره وسلساله=وأسقيت كفي من لضى الدنيا وتصريفه
وأعتقت طيري والسمااا بيته ومنزالـه=وسكنت غار ٍ من ورى الدنيا يبي ضيفه
وعزاي بدر ٍ على الحايط شكـى حالـه=بدر ٍ تضيع السمااا ..من زين توصيفـه
هذاك ذعذاع غربي سبااا صبحى بمواله=وإستسلمت شمس الشويمس تبي طيفه
خمسين طرقااا بعيني والدفى نون بلحاله=والخافي أعظم والبلا دار ٍ ورى منيفـه
واللي خلق سبع ٍ على سبـع وجبالـه=شمّر .. هي اللي تجرح الليل وتخيفـه
حنا الطنايا مابهـا قـل تفسيـر=نعطـي ولا ناخـذ قلـوبٍ تثنّـا
حنا على قلب المعادي زمهريـر=وعدونـا يفـرح ليامـن خثعنّـا
مثل الجبال الراسيه والأساطيـر=يفخر بنا التاريـخ لامـن كتبنّـا
نسحب زلال الهرج من جمة البير=تشرب ركايبنـا ونسقـي غنمنّـا
ونفـرح ليامنـا لفونـا مساييـر=وناطـا ليالينـا لــو عانـدنّـا
قلّي متى حنا حسبنـا المخاسيـر=يوم الحثاله سولفو .. في ضهرنّا
ماتنفعك ياخـوك كثـر التفاكيـر=بالفانيـه نفنـى ويبقـى عملنّـا
اذا عملنا خيـر نرجـي تباشيـر=ومردنا للي علـى الدنيـا خلقنّـا
الواحد اللي كوّر الارض تكويـر=سامع دبيب النمـل بجحورهنّـا
هذي قصيده قلتها من ورى سدير=يـوم الليالـي دولبـن وابعدنّـا
فـواز اناملّيـت دار المناعـيـر=قلّي علام القلـب ياخـوك ونّـا
بيني وبينك يالسنافـي مشاويـر=قلبي على قلبـك لـو ماإجتمعنّـا