كان جناع القعيط نازل مكان يقال له مغيلث وكان اقرب شمر على العقيدات وفي عام 1947 م هجموا العقيدات
على البريك ربع جناع وكان عددهم يتجاوز الالفين خيال وكان هجومهم مع طلوع الشمس وكان اكثر الرجال مع البل
لانهم توقعوا الهجوم على البل واخذه فود وبداية الهجوم تنطحهم الشرابي ابن جناع ومعه دهام
جنعان القعيط وقال دهام للشرابي ماتنطح قال ابي عليهم وين اودي وجهي من عزاره وهي امرأ ه بريكيه وشاعره وفعلاّ هجم عليهم وقتل
وصوب دهام في رجله واستطاع ان يعود به للبيوت ولكثرت الرمي اصبحت تتوارد فزوع شمر القريبين من جناع واتت
سربه من الهضبه بقيادة بردان ابن جليدان واتت سربه من العامود بقيادة هريسان ابن هذيل
واتت سربه من الفداغه يقودها سليمان العبهول والتحقوا الفرسان من البريك اللي عند البل بقيادة مدلول محمد القعيط واشتدت المعركه وكل
شمر المتواجدين لايتجاوزون المائه والخمسين واستطاع قسم من شمر ان يأسر خمس واربعون من القوم وحل بهم جناع باالسيف من زعله على الشرابي وكان فارس مشهود له
عند شمر وحين ان هؤلاء الناس ان شمرلن ترحمهم توجهوا الى ديرتهم وكانوا شمر
يطاردونهم حتى عبورهم الجسر وجاءت قوه من الحكومه ووقعت خسائر بين الطرفين وكان النصر لشمر
والف نعم من العقيدات لكن هذي معارك جرت في القرن الماضي ضحوا عند المحارم0
1- شرابي جناع نصار الكعيط
2-مذري العود
3-هلوش الوليغي
4- الحشاش
5-دواس ابن ادهم الغشم رحمهم الله ورحم الله اموات المسلمين
وقال لطس السبيعي هذه الابيات
بادي باالله ولي الناس كله = من بدى باالله ماظني يخيبي
السيافا يومكم هذا محله = هاوشوا قدام زينات الحليبي
يوم جناع الكبش رد للسيف سله = ليما خلى لشاشهم مثل الهميدي
الشرابي شالع الصابور فله = يرحمه مولاه بيوم الوعيدي
ولد الادهم على الخيل شله = خلفت الزحزيح تو صارت وكيدي
ونعم باالحشاش راع الطيب كله =يعتفر من فوق ظافيت السبيبي
الوليغي ماحكى بيدرب المذله = شوق من حطت على راسه خظيبي
ولحقت بمدلول قظ الراس فله = ادى الواجب والفشق ناره حصيدي
جتك بردان مع سربتله = بيديهم شلقوا راس الحريبي
والكلوزي شهاب روحه مايكنه = يوم عفن الخال كاظب له شعيبي
سربة العامود مزنه مستهله = حلو العصلان بيخيل العقيدي
من صلاة الصبح يما الشمس زله = والفشق مابينهم مثل الرعيدي
اتمنى شيوخنا باالحرب كله = وراهم سودان وسلاحه صليبي