قصة هليل فهد البقعاوي من الثابت من شمر
هليل البقعاوي من الثابت من شمر من هل البل في جزيرة العراق شاب في مقتبل العمر
وشاعر وفي عام 2008 وفي احد الايام ذهب ليبحث عن نياق له وتبع اثرهن العصر واذا
هن متوجهات للاراضي السوريه وعبر خلفهن الى ان وصل فيضة دبوس في سوريا غابته
الشمس وقد شعر بالعطش والنعاس وبيده كسرة عصا وظهر القمر مرتفعا وفي احدى الالتفات رأى شيفه واذا هو ذيب وفوراً عوى االذيب وهجم
على هليل وماكان من هليل الا ان يضربه بالعصا ولكنها لم تفلح فقد نشب انيابه بيده اليمنى
وماكان من هليل الا انتخا(بالجدعا) وفي يسراه مسك الذيب من رقبته يحاول تخليص يده
اليمنى من بين انياب الذيب واستمرت المعركه بينهم ساعه كامله وطرح هليل الذيب ارضاً
ووضع ركبه في صدر الذيب واخذ العصا الذي كان بقربه وضرب بكل قوته على عين الذيب وردها مره اخرى
في عينه الثانيه واستطاع ان يتنفس الصعداء ولكن الدم كان ينزف من كل مكان من جسمه
وتوجه الى الحدود العراقيه وقرب احد المراكز الحدوديه صاح باعلى صوته لاهل المركز
وتنبه عسكري شمري من الفداغه الخندلي واسعفه الى المركز الحدود ي ومنه فوراً نقل
الى سرية الحدود الذي اجروا له الاسعافات الاوليه ونقلوه بدورهم الى الموصل ووضع في
المشفى
وانتشر الخبروهو في المشفى المكالمات والزيارات وكلمه شمري ازعجه
بمكالمته حين قال له لاتهتم ياهليل تر الذيب مثل الكلب فرد عليه هليل البقعاوي بهذه الابيات
مهو غريب ياجا الطيب من الطيب = ودرب الردى تمشيه ناس ردايا
لولا الشجاعه ماكان بين الذيب = ولاكان شمر لقبوا بالطنايا
ولابان ابن كلثوم والزير وكليب = وحاتم تعداهم بجزل العطايا
واكبر غريب ان الردى يقابل الطيب = وانه يضيع الطيب بابسط دعايا
وانا نطيح الذيب ياجاهل الذيب = والذيب تشهد له جميع السمايا
شبه به الفارس عطيب المضاريب = في ساعة فيها تحير المنايا
جاني بدار لامنادي ولا مجيب = ماغير علام الامور الخفايا
وطلبت ربي عالم السر والغيب = وحسبت روحي من حساب الهدايا
شلن بنيبانه عكف المخاليب = وكضن من اليمنى شنيع الحنايا
نوخته بالقاع غصب ماهو طيب = بي فيضة توحش ضلام الزوايا
وفهمته ان الذيب ماياكل الذيب = وان الفرج ينقذ صدوق النوايا
ثم انتخيت وقلت جدعا بتجريب = وفضخت عينيه بكسرة عصايا
وش عاد لو كثرن علي المصويب = طعونه بجسمي باقي له بقايا
وقال الشاعر فاضل عواد من الثابت هذه الابيات
اكبر غلط ياذيب تهجم على الذيب = والذيب مايخشى هجوم الذيابه
نسل الفهد مايخشى جميع المضاريب= مايكسبه كود العمى والخيابه
ياذيب ماكل المغازي مكاسيب = يرجع فشل من لايحسب حسابه
اماعمى ولا نقصه بتقصيب = والا انكسر كل صافي شرابه
ياذيب حنا مانخاف الاشانيب = اللي لهم سطوه وطغوه ولابه
حتى نخافك يابعيد المهاليب = ماتدري انا بالفعول نتشابه
حنا الطنايا مكدرين المشاريب = تاريخنا ياذيب كل ٍ قرابه
عدونا جدواه كثر الهذاذيب = بالليل نوم العرب ماهنا به
عند الغضب حنا زلازل وتخريب = وعند الرضا نفتح حقوق السحابه
ياذيب قول العرب بالمكاتيب = من لايكن ذيب كلته الذيابه
وقال الشاعر مرشد الخندلي من الفداغه شقيق الشاب اللي اسعف هليل هذه الابيات
لومنت ذيب ومن سلايل ذيابه = ياابن فهد مالايعك بالخلى ذيب
الموت والله مابكم من يهابه = جدعا لياصكت عليها المغاليب
من لابتن ياوي والله لابه = علط الرماح مدلهة شمخ النيب
يشوش راسي وانتفض يالقرابه = للطيبه لياجابه منقع الطيب
ليلك سرى وغيرك ليله عدابه =والليل هورف والتقى الذيب للذيب
والنجم يرقب كيف كفك هوابه = كيف ارعبت يمناك عوج المخاليب
ذيب عوى واروى مغاليق نابه= وذيب فهامه بس جدعا وتكريب
بيعركة ٍ سال الحمر في ترابه =بي موقف يذهل به الزير ويشيب
تشابكوا واكتم عليهم ضبابه = النادرين وفعلهم بالتجاريب
يما نطيح الذيب عينه غدابه = تطابقوا كلن جروحه معاطيب
عصاه شلفا والضروف تشابه =والفعل لله يافتى الجود لاريب
كسرة عصا لكن نجامن نجابه = شلوه مابين المنايا المعازيب
واللي دروب المرجله مامشى به = يبقى وغيره يرقون المراقيب
واقبل تحياتي واختم جوابه = من الخندلي مافي القواصيد تهذيب
ورد عليه هليل البقعاوي بهذه الابيات
حي الجواب وحي منهو جوابه = حيه ثلاث الاف والفين ترحيب
يالخندلي تاريخكم ينحكابه = نعماُ بكم يامكملين المواجيب
والسيف يفعل من قوايم نصابه =وعرق الندى يندي ويظهر له طيب
وانتم كما سيف شطير ذبابه = بكم الحميه والمواقف تجاريب
من لابتن بالكون تهدي ارقابه = يوم المنايا داني له قصاصيب
لوما العلوم الطيبه وانتسابه = ماصار بالدنيا ضيوف ومعازيب
ومن لايحسب لليالي ومابه = تنهج عليه المعرضه والمواجيب
والبيت مايبنى بليا اطنابه = والطيب مايات بليا طواليب
واللي يبي درب الردى والخيابه= يلقاه سهل ولايروم المراقيب
ولا بالردى والطيب يوجد تشابه = الفرق واضح مثل شرق وتغريب
وبعد الذي نزل عليهم كتابه = مافيه مخلوق سليم من العيب
ان كان تسأل حالتي وش جرابه =حمدة من لافيه شك ولاريب
رب السما مرسي رواسي هضابه =حمدن عد ماتطلع الشمس وتغيب
وعداد ماصلى النبي بالصحابه = وعداد ماخط القلم بالمكاتيب
وعداد مابالناس ناس تشابه = وعداد ماهبت نسوم الهباهيب
وعداد مامطر هتوف السحابه = اللي نصر موسى وتفضل على شعيب
وانجى خليله من عواقب اسبابه = الواحد اللي يعلم السر والغيب
يوم الليالي نوخت لي ركابه = وصارن علي فجوج بقعا ضنابيب
بالفيضة اللي كنها وصف غابه = اللي تعرض لي على طارفه شيب
يوم ٍتعرض لي هريف الذيابه = الحمد لله صرت يوم اللقا ذيب
اكبر عدون عامداً بالحرابه = وصار الحمر مابيننا له جناديب
لكن عمدة المرجله والصعابه =والشاهد الله مابحكيي تكاذيب
ومحته ونوخته بقاع صلابه = بارض خلى ومغرب النجم تغريب
وفضخت عينيه وفلشت نابه =وانا بجسمي كثير المصاويب
وانجاني اللي مايخيب الرجا به = نحرت حلال المور المصاعيب
نصيت ربعن بالوزى ينهقابه = ونمين بعيال الحمايل هل الطيب
جيش الحدود اللي كبير المهابه =ضباط وجنود تسابق على الطيب
ارجوا ان تنال رضاكم