لها فتره حبيسة الادراج احببت ان تشاركوني فيها
اتمنى ان تنال رضاكم
جيت الكويت ورحت ماشفت خلي=ولا سمعت الصوت ولا رساله
رحت المكان وقلت ياعين هلي=هلي دموعك واسكبيها بجزاله
ذكرى مكان كان اول لقانا=الله على ذاك المكان وجماله
يوم التقينا فيه كانت سمانا=ترسل رذاذ الحب وترسل خياله
قلي وش اخبارك بهااليوم قلي=قلي فداك القلب با احلى وصاله
ياروح روحي يابعد كل من لي=ياغاية القلب المعنى وفاله
مشتاق اسولف لك واعيد الزمانا=واقول احبك موت حتى الثماله
واسكر بحبك وارتشف من هوانا=واصحى على حبك واعيش بخياله
الله لو ذاك الزمان يحصلي=واللي مضى من وقت يرجع لحاله
لسجد لوجه الله واركع واصلي=وادعيلك المعبود جل جلاله
وادعيه من قلبي يجمع غلانا=يجمع قلوبن الغلا راس ماله
نعيد ماضينا وننسى خطانا=ونرجًع ايام الغلا من خلاله
ونعيد ذاك الوقت بليا تغلي=واللي بقى من عمر وش احتماله
خلينا نفرح باقي العمر واللي=كتبه رب الكون خير وسهاله
عبيد الغشام" ابو طيف "