غـزو شـمر على تبـوك

غـزو شـمر على تبـوك
غزى غريب ابن معيقل الشلاقي من جبل سنجار من جزيرة شمر في بلاد العراق والشام وكان مع غريب من شمر الحدب وتلاقوا مع ابن عايش على الاميغر (موقع اجتماع غريب والحدب مع ابن عايش ربما يكون بئر او جبل او ما شابه ذلك) واجتمعوا شمر والتحم صفهم وصارت خمسمئة ذلول وصار غزوهم على تبوك وكانت مدة غزوهم 3 أشهر من عيد الفطر شهر 10 و 11 وجت الضحية وذبحت ضحايهم شمر في تبوك وكملوا غزوهم الى نهاية شهر 12 وكان معهم الحلقي ويقصد في غزوهم يقول:

يا اللـه يا خلاّق فـرض الصلـوات=أنت الكـريم وبأمـرك العبد يخـدمّ
لـكن ركب غـريب فـوق زرفـات=عقيـدنا اللـي بلحيته عشـرة نعـمّ
غريب طـوانا طيت الشنون المطيّات=وحنـا طوينا كنس الهجـن يا عـمّ
مرّن بنا علـى الاميـغر والمشاشات=وشربن بنا من صافـيٍ باردن جـمّ
وعصـيان أهلن كلـهن خيـزرانات=وعليـهـن اللــي قلـوبـهم بتـعـنــدمّ
تسـعين ليلة نـتبعه فـوق معفـات=محـدن يوجهنا وين رحنا على يـمّ
ونط الـرقيبه فوق عيطـى ومرقات= وقالـوا غريب حـوّش المال وإلـتمّ
وضـرّنا وأخذنا جملة المال بإقفـات=نسري ونجري وعن هلا المال نهـزمّ

وتقبلوا شكري وعاطر شوقي

 

 

 

 

 

 

 

 

 

 

الله يعطيك العافيه لاهنت ياغاالي

 

 

 

 

 

 

 

 

 

 

	الله يعطيك العافيه على القصه والقصيده ونطمع بالمزيد

ابن برزان

 

 

 

 

 

 

 

 

 

 

اخ رحـــــــال

الله يعافيك ولا تهون يا بعد حيي

تقبل تحيتي

 

 

 

 

 

 

 

 

 

 

ابن برزان الله يعافيك

ولا نقصر اذا حصل فرصة وتوفرة السالفة

تقبل تحيتي

 

 

 

 

 

 

 

 

 

 

تسلم أخوي القفيعي على هالقصه والقصيده الطيبه للفارس الشجاع غريب الشلاقي وهذا توضيح لما جرى في تلك الغزوه ومن شارك من عقداء شمر بها لكي تتضح الصوره أكثر وهذا التفصيل تجده بموضوعي عن غريب بعنوان الفصه الكامله لهذا الرجل غريب الشلاقي...!!

وبعد ايام قال غريب ياشمر جهزوا نفسكم نبي نغزي ومغزانا تروه بعيد وعليكم بالذلول العتله

والغربه الصميد والمزهبه الكبيره واغلب الغزوا من رجال الثابت والعقداء اربعه وهم عايد العجل من الفضيل

من عبده واالدريعي الحدب ابن صعب من سنجاره وابن عايش من
التومان من سنجاره وابن ملوذ

من الغيثه من الدغيرات
من عبده وكان عدد الغزوا الف وستمائه رجل وكانوا بتبوك وكان بها ابن عقيد من ركبت ابن سعود وخذوا
الدبش بيان وقضبوا الرعيان ولما راعى غريب للوسم فعرف ان الحلال لبن سعود فقال لشمر اقهروا الدبش
وقال للرعيان وين راعي الدبش فخرج احدهم وقال انا فقال غريب وش هالدبش اللي عليه وسم السعود
فقال الراعي هذا جيش الركبه لبن عقيد فقال غريب وليه ما علمتنا فقال الراعي قوم وخذيتننا ولم تعطونا فرصه
فقال ياشمر لازم نرجع الدبش فقال بعض العقداء وليه ياغريب فقال ابن سعود عمود للدين وحاكم ولايأخذ حلاله
الا ردي بخت فسمعوا الكلام وارجعوه وقال للراعي سلم على معازيبك وخلهم يدعون لي بالخير وان اعود لنجد
فأنا ماظهرت من نجد الازعل على بعض ربعي وعمايلهم مع الاخوان وتحالفهم بالخطاء وكان مغزاهم ثلاث
شهور واغلب الحلال اللي معهم لبني عطيه والحويطات ورجعوا لاهلهم منهكين ولفى علهم ابن فهد مره أخرى
وقال ياغريب انت جبت حلال الحويطات والحويطات عوج دخان وأخواني وكان اللقاء عند الشيخ دهام الهادي
الجربا فقال غريب يابن فهد الحويطات ماعمر وخذت الخاوه عليهم فقال ابن فهد عوج دخان وأخواني ياغريب
ولايصير انك تأخذ حلال اخواني عندي ياغريب فقال غريب يابن فهد يقولون العرب اليا تشابهت علهم الله عطاك
ثنتين وهذي ثالثتهن والله عطاك وحده وهذي ثانيتهن ان الحويطات وخذه الخاوه عليهم وعزالله نبي ندي قال عوج
دخان واخواني ياغريب سكت غريب وبأثناء سكوته تكلم أحد الرجال بكلام أزعل غريب وهو راشد ابن شريعيب
من الحريره وقد سمعوا الشيوخ كلمه ابن شريعيب وسكتوا عليها فقال غريب يابن فهد نبي منك مهله خمس ايام
لكي نستريح ومن ثم نرجع الحلال فقال ابن فهد ولك الخمسه ولاتأخر وذهب غريب لبيته ولما وصل وجد مناديب
عقيل الجاور يستنوه وقالوا ياغريب يقول الجاور شمر مالهم عدوا اليوم والحلال اللي أخذته ترجعه والا ما لك
الا السجن والحبس فقال لهم غريب سلموني على الشيخ وقولوا يوم اتفاقه مع الشريف حنا بمغزانا ولكن ان شاء
الله انه ماتتكرر وضاقت به الارض لانه رجل حرب من الطراز الاول ويعشق المغامرات فقال لهله ولاخيه
ساير ولبن أخيه غانم ابن دلي نبي نشيل الليله يم العقيدات ونبعد عن الشر وعن ابن فهد ومناديب عقيل الجاور
وفعلن شالوا ونزلوا على العقيدات بليلهم وبعد الوصول قال هذه القصيده موجهه للشيخ دهام الهادي الجربا

قم ياخطيب اكتب بحبـر وقرطـاس=للشيـخ قـواد الجمـوع الثقـالـي
يادهام ياحمـاي ولـدات الافـراس=عريـب جـدوعـم واب وخـالـي
ياملبست سـرد السبايـا باللبـاس=ويامسقيت كبـد الحريـب العلالـي
يادهام نبهتكـم لنـا تقصـم البـاس=وشنوحكـم يامفنيـت كـل غـالـي
حنا غدينـا بيـن شالـي وحبـاس=ضاقت وعند الله فـرج كـل مالـي
خوفوا منشي الغيم حشار الانفـاس=كيـف الافيحـج تودعونـه حلالـي
يابن فهـد لوتاصلـه كـان لابـاس=ورى الحصل وقـاف تاخـذ ليالـي
متمركيا" من بيـن دلـه ومحمـاس=وتنقل وسادك في مسيـح الضلالـي
وتبي مهاوي مبعـدت كـل ملمـاس=اللي لهـم بقصـى بسيطـه مدالـي
دواليـا" ببحـور الادراك غـطـاس=عقبـان عقبـات تنـوس المفالـي
ياما وقع بنحورهـن كـل مدبـاس=ومروه ماكنه علـى الربـع غالـي
ربعي هل الجدعـا لياهـب نسنـاس=اللي سقوا بيـص غبـون الليالـي
وابيات من عقلي كتبتـه بقرطـاس=نصيحتـن يذكربـه الاول لتـالـي
قول المهادي ياهل الجـود والبـاس=كان انت عن مثلـه لمثلـي تسالـي
مار عن قولتن نجد هله جوك غلاس=امـر مـن الله ثـم غـدر الليالـي
شلنا عليهن من مزابيـر الاطعـاس=وجينـا لملفانـا وعـز الاهـالـي
والا ياما ذبحنا عن نجد من النـاس=وياما بهـا افنينـا رجـال وحلالـي
وياما بها دسنا على كـل مـن داس=ولحقت علينـا بالحيـل نجـد تالـي
نجد ولاها معـرب الجـد والسـاس=بالفعـل والحـيـلاه والاحتيـالـي
حزم هل العوجا على الحرب عـلاس=وعقب الكدر شرب القراح الزلالـي
متعلمن به قبلنـا شلـع الاضـراس=كـم واحـد يامـا حربـه وزالــي
وين الشريف اللي تخاضع له الناس=يذكـر بباريـز غـروب الشمالـي
ووين الشيوخ اللي على الزبر جلاس=مثـل ماقـال جـديـع ياهمـلالـي

[align=center][font=System][size=4]

المعاني:
شالي :::هو ابن فهد الجربا
حباس :::عقيل الجاور
الافيحج:::وسم الحويطات
نجد هله جوك غلاس :::كلمه ابن شريعيب اللي زعل منها غريب في مجلس دهام الهادي
معرب الجد والساس :::ابن سعود
جديع ياهملالي :::جديع ابن ملحم من شيوخ عنزه بعد ذبحت أخوانه وعياله قالويسند على نمر
ابن عدوان

يانمر كل اللي عليها مولي=متروحه ياهيه ياهملالـي

وبعدها ارسل ابن فهد لغريب مرسال يقول ارسل لي أي ذلول عليه وسم الافيحج من شان
ارجعه
لخواني وادي المدى عن الموتا فلم يستجب غريب وقال انا وشمر غزايين ثلاث شهور وعقب
التعب والذبح يرسل ابن فهد مرساله يبي حلالنا وقصد قصيده ثانيه ببن فهد

يابـن فهـد عيفتنـا للجزيـره=خليتنا بديـار الاجنـاب ننـزاح
يابن فهد ماطعت حكي المشيـره=حطيت دونك مشرف وابن جراح

المعاني
مشرف وابن جراح:::مشرف ابن دندن وابن جراح شيوخ العقيدات اللي رحل يمهم واكرموه غايه
الاكرام
فلما وصلت القصيده ارسلوا الجربان مناديبهم لاسترضاءه وعودته فصلحت الامور وزانت

 

 

 

 

 

 

 

 

 

 

الله لايهينك علي المشاركه المميزه

وبانتظار مشاركات اخري


تحيتي

 

 

 

 

 

 

 

 

 

 

اخ راكان المعجل الله يسلمك على المرور

واشكرك على التوضيح والتفصيل في القصة وما جرى بعدها

ولا هنت يا بعد حيي

وتقبل تحيتي وخالص شوقي

 

 

 

 

 

 

 

 

 

 

اخ بدر الله لا يهينك

ومشكوررررررر على المرور يا بعدحيي

 

 

 

 

 

 

 

 

 

 

القفيعي لا هنت على هالقصة .

وما قصرت .


أخوي راكان بيض الله وجهك على التوضيح وعساكم على القوة .