بعد ان اقسمت بأن لا اكتب الا بها ولها
حدث ماحدث
قصيده جديده أتمنى ان تنال اعجابكم
البارحه نومي تقاطيع واحوال=مرتني الليله على غير طايب
قال المنيعي وانصتوا للذي قال=علم(ن) جلل وكاد مابه طلايب
هذي هي الدنيا تصاريف واهوال=دايم تخيب وحزنها دوم صايب
ياجرح لو تسكن من الجال للجال=معاك صبر ايوب مارد خايب
لاكن هنالك (س) يطرح ولازال=حتى متى نصبر على هالنوايب
ليه العراق يموت به شيب وعيال=بنات عز(ن) تغتصب في خرايب
مساجد(ن) تهدم وتشتيت واذلال=اثار تنهب والذهب راح سايب
غربالهم ماهو بمثل اي غربال=العز راح وتالي العز غايب
لاكن على ماقيل من ظرب الامثال=مقولة(ن) ماجا بها قول عايب
الليث راح مربط بقيد واغلال=شاخ الثعل لا يازمان الغرايب
من طيحة التمثال واحواله احوال=حتى متى والشهد بالمر ذايب
والا انت ياوجه السعد طيب الفال=يانور يانوّار هل الذوايب
ياترف يا أدعج غنج حلو الاقبال=ياصوت فيروز وعذي الهبايب
ياكيف من صلّح عقب هم واشغال=فنجال بن مبهّر وحيل رايب
يالهفت الدكان بعيون الاطفال=وذكرى الشباب اللي مضى بعين شايب
ياجرح..يامرهم..حظارات..واطلال=ياعين خلاني وكل القرايب
يا اكبر ذنوبي ..واجر سته بشوال=حلفت ماتوبك ولاني بتايب
حلفت ما اكتب غير بك يا اشهب اللال= بس الليالي شوفتني عجايب
شفت العراق يموت به شيب واطفال=وارواح تذبح دون ذنب وسبايب
هذا القليل ومابقا يشده البال=فارقت انا الليله على غير طايب
![](http://img267.imageshack.us/img267/4532/35zv6.gif)