اترك عنك عنتر وعبله وابا زيد= وش لك بحاتم والزناتي خليفـه
مادام به مرتع هل النوق تحديـد= شيب الغوارب ماتفلـي بكيفـه
مامن وراها كود لوعه وتنكيـد= وتصير مثل اهل العقول الضعيفه
مافيه داعي تنطق القول وتزيـد = ناس تصرفها سـوات الكفيفـه
ما حملك ربي خطا زيد وعبيـد = ولنته محاسب يوم نشر الصحيفه
خله وخلك كالقطامي على البيـد = الصيد لا نكـر يشـوم ويعيفـه
يكفخ بريشن مثل صف الاواليـد = قرناس رخمن مايبطـل رفيفـه
جرد الفيافي ستر وجه الاجاويـد = ماضيك عز ولا الحياة الكسيفـه
في ظل مسموك الشعر كنه الحيد = فيه المحاجر لايقـه والسقيفـه
وصفرن مباهيرن وبيضن بغاديد = يطبخ بهاء البري يدين(ن)ظريفه
تسوى حيات مرجد المال ترجيد = لوهو ملك ملكة جمال وصيفـه
((متعب بن طواله))
اترك عنك عنتر وعبلا
NO BUDY REALY KNOWS ME BUT 
العرض العادي
