(( أمام شـبك مطار الملك خالد ))
اتجدد معكم بهذه المشاركة علّها أن تلامس خيوط إعجابكم وملكات أذواقكم أترككم:
مـدخـل/
الحـب دمّـر سالـي النفـس تدمـيـر=و نغّص علـي باقـي هنـاي ابشقاهـا
يَجْرف جريف اللـي تحـرّك بزنجيـر=ورمانـي ابصحـراء الهمـوم وعناهـا
و دقّ ابقسـاه القـلـب دقّ المسامـيـر=و حـاك التفاكيـر وبــراه ولحـاهـا
ينْشر حسيـس الـروح نَشْـر المناشيـر=ويـدكّ الاركـان ابـدواخـل حشـاهـا
يا نا عـم الخدّيـن يـا راوي العـود=ياهيبـة السلطـان يـا كنـز الامـوال
يا صاحبي جيتـك واحاسيسـي ابـزود=كنّي غدير امن ارفـع اجبالهـا سـال
جيتـك شعـور وخاطر(ن)كلّـه اورود=لجلك ولجل اعيونك اكتب لـك أمثـال
ومنّي على ما تشتهـي جـاك منشـود=شعري ولك عذْب النظـم صـار ينقـال
أبيات لـك تنسـاب مـع ذاري النـود=جوهر تلاشـى عـن مهابيـل وانـذال
مع هفهف النسمـات سلسـال وعقـود=جاك أكّليـل ايفـوح بالعطْـر يختـال
وعليك طاف اعجـاب يِبتعـد ويعـود=و فوقك تناثر بالـورق فـيّ وظـلال
يرسم علـى ظلّـك مداخيـل وحـدود=و يروي حكايا اعصور الاغريق تفصال
و من فلسفة بِيْزَنْطَةَ اعطـاك ممـدود=و لو كنت انت حاضر فلاطون بالحـال
مـن بـدّ اساطيـره تعلّابـك اسنـود=يا مدرسـة بـوزار بـاروك الاشكـال
يا ذوق الانّدلس زمـن فايـت الجـود=مهمـا عنـاد الوقـت جايـر وميّـال
كَسِّـر قـزازه فـي تباسيـم وسعـود=بسمات ثغرك تجعـل الضيـق رحّـال
خذ من بساتين الزمـن حلْـو عنقـود=و حمْض العناقيد ارمها من ورى الجال
غيض الحواسيد اللي افعالهـا احقـود=اللي لهـم بـأرض المحاقيـر منـزال
تبقى وليف الروح يـا كاحـل السـود=و لك في خفى الاضلاع تقدير وإجـلال
خلّك سعيد(ن) لين يسعـى بـك الـدود=و نزّل عن أكتافـك ثقيـلات الاحمـال
النفس ماله فـي حمـل زايـد الكـود=و ياربّـي ايهنّيـك يـا طيّـب الفـال
مخـرج/
هبّ الهوى يا هفّ مـن غيـر تاثيـر=يلطم طـرف جسمـي ويجـرح خفاهـا
وش حيلة اللي لوح حظّـه مكاسيـر=لا صـارت الدنيـا عطـاهـا قسـاهـا
........
وسلامت من رد وقرء وشاهد
(( جلـيـس الــدار ))
-------- تبقـى ولـيف الـروح يا كـاحـل السـود --------
العرض العادي
