مرثية في الشيخ راكان الأحمد التمياط..

بسم الله الرحمن الرحيم

توفي الشيخ راكان بن أحمد التمياط رحمه الله قبل أيام..

وذلك في حادث في مدينة عمّان بالمملكة الأردنية الهاشمية...

وعند هذا الحدث الجلل..

كان يجب على الحرف أن ينطق ألماً..

صلوا على محمد..

بديت باسم الله قبل كل بادي=الواحد المعبود رازق وهادي
رب البرية والحشر والتنادي=باسمه بدا شعري على قاف وأوزان
من بعدها أسألك ياخالق الكون=ياحامي ابراهيم من نار ملعون
ياكافيٍ مكة عبث كل مجنون=تغفر لمن تنعاه شمر بعمّان
الهيلعي راكان يا ذايع الصيت=عمود بيت الطيب ياواسط البيت
مفراص ضده مودع أمره تشاتيت =وليا أنتخى المضيوم بك صاح راكان!
راكان ابن أحمد زبون الصعيبات=حلال قالاتٍ وفكاك قالات
العز والناموس فيكم علامات=وأنا أشهد أنك يالسنافي بليهان
مرحوم ياشيخ الصخا والحميّا=طلق الحجاج ليا كبرت كل سيّا
قاضي لزم من جاك طلاب شيّا=فزاع نزاعٍ ليا ثار دخان
راكان ابن أحمد ليا صارت أدوار=حرٍ من التمياط من ماكر أحرار
ساطي وواطي كل ظاهر ومغوار=عليه تبكي كل شمر بالأحزان
مرحوم ياشيخٍ علومه نواميس=مرحوم يامتعب حديد المحاميس
مرحوم يافقد الطنا والسناعيس=وأنا أشهد أنك لازم الشان للشان
تبكيك شمر والقبايل معاها=ورفحا وشمال المملكة مع قراها
واللي سكن دجلة وناسٍ وراها=يبكيك كل الكون في مر الأزمان
وتبكيك رُملٍ مالها غيرك عيال=ويتمان تبكي مالهم دونك الوال
ويبكيك مضيوم الدهر في قسى الحال=ويبكيك مقهورٍ ليا مال ميزان
ياذيب ياذيب الشمال ولزومه=يالضاري الضرغام لاحل يومه
يالكايد القاسي على من يرومه=وأنا أشهد أنك ياأبيض الوجه ذيبان
وين أنت يافارس زمانك وجيلك=كل المعاني لاجتك تنحني لك
تعرف مكانك وسط ناسك وجيلك=وين أنت ياراكان وينك كحيلان؟
أقفيت عن ناسٍ بحاجة وجودك =ابحاجتك والله وتحتاج جودك
لاصكته بقعا لجت في حدودك=واليوم ماله في عنا الوقت نيشان
يالله عسى جنات ربي أراضيك=ويرحمك من ناره بفعلك ينجيك
ويجزيك بالإحسان بأفعال أياديك=ياماسحٍ دمع اليتامى بالإحسان
هذا.. وربي.. وأشهدوا.. ياجماعة=إن كان في فسحة زماني استطاعة
وإن دبر المولى وجاب الطماعة=أكبر عيالي..لا أسميه راكان
مع أنني ماشفت زوله بعيني=ولا صافحت بيضا يدينه يديني
وياليتني شفته أنا بمقلتيني=حدتني الغربة مع بعد الأوطان
لكن علومه واف الأشبار جتني=وأخباره الكبرى بعد شرفتني
وصيته وأنا في غربتي نومستني=وبأفعاله البيضا بعد سار ركبان
أطلب من الله يسكنه في جنانه=ويغفر له وجنات عدنٍ مكانه
وصلوا على الهادي لخير الديانه=شفيعنا محمد عدد طش الأمزان..

أخوكم/


ساير الرماحي..

 

 

 

 

 

 

 

 

 

 

ساير الرماحي


صح لسانك والله يرحم التمياط وموتى المسلمين أجمعين


تقبل مروري وتقديري

 

 

 

 

 

 

 

 

 

 

علمه غانم الله يرحمه رحمه واسعه ويرحم امواتنا واموات المسلمين


صح لسانك على هالجزله لاهنت الغالي وننتظر جديدك

 

 

 

 

 

 

 

 

 

 

صح لسانك

الله يرحم الشيخ راكان الأحمد التمياط..
ويرحم امواتنا واموات المسلمين

 

 

 

 

 

 

 

 

 

 

الغالي


مانع الخريصي



صح بدنك


وبيض الله وجهك


تشرفت بمرورك


ودمت بخير


تحياتي لك

 

 

 

 

 

 

 

 

 

 

الغالي


ابن مخيدش



صح بدنك


وبيض الله وجهك


تشرفت بمرورك


ودمت بخير


تحياتي لك

 

 

 

 

 

 

 

 

 

 

الغالي



ذيب العرب



صح بدنك


وبيض الله وجهك


تشرفت بمرورك


ودمت بخير


تحياتي لك

 

 

 

 

 

 

 

 

 

 

هـذا.. وربــي.. وأشـهـدوا.. ياجمـاعـة=إن كـان فـي فسحـة زمانـي استطاعـة
وإن دبــر المـولـى وجــاب الطمـاعـة=أكـبــر عـيـالـي..لا أسـمـيــه راكــــان

بسم الله الرحمن الرحيم..


أخواني..


أفيدكم بأني رزقت بأول مولود ذكر وأسميته.. كما وعدت بالأبيات أعلاه.. (( راكان ))..

أدعو لـ(راكان التمياط) بالرحمة والمغفرة..ولـ(راكان الرماحي) بالصلاح والبركة والبر بوالديه...


تحياتي لكم..

 

 

 

 

 

 

 

 

 

 

هـذا.. وربــي.. وأشـهـدوا.. ياجمـاعـة=إن كـان فـي فسحـة زمانـي استطاعـة
وإن دبــر المـولـى وجــاب الطمـاعـة=أكـبــر عـيـالـي..لا أسـمـيــه راكــــان

بسم الله الرحمن الرحيم..


أخواني..


أفيدكم بأني رزقت بأول مولود ذكر وأسميته.. كما وعدت بالأبيات أعلاه.. (( راكان ))..

أدعو لـ(راكان التمياط) بالرحمة والمغفرة..ولـ(راكان الرماحي) بالصلاح والبركة والبر بوالديه...


تحياتي لكم..

 

 

 

 

 

 

 

 

 

 

الله يرحم الشيخ والله يصلح ولدك ويرزقك الذريه الصالحه


قصيده رائعه . . . . صح لسااانك











جل تقديري