{ اليا متـى انجامـل الوقـت و خرابـه }

بسم الله الرحمن الرحيم

السلام عليكم ورحمة الله وبركاته


مساء/ صباح الخير والعافية


من الجديد المتواضع أرجوا أن يرتقي إلى مرتضى أذواقكم أترككم مع الأبيات/

الجامـعـة لبّستـنـا مــن ثيـابـه=ثـوبٍ وسيـع وحيـاة اليـوم بالهـون
ثـوبٍ طـوالٍ ردونـه مـع جيـابـه=دون و علـى أمثالنـا من دون فــي دون
يا نايـف القلـب يشكـي فـي شبابـه=وشلون تال العمـر وشلـون وشلـون
العقل يصرخ مـن أفكـارٍ شقـى بـه=والروح كنّه حطب في وسـط كانـون
كانـونـه الشـمـري لا واااعـذابـه=النفـس محروقـه وغيـري مايـدرون
الجاش لـو يجـري ايـذوّب هضابـه=ويسيل صمّ الحصـى بالقـاع ممـرون
همّي لو أصبح على كتفـي كفـى بـه=لاكنّـه ابداخـل الأضـلاع مسجـون
راقبـت نجـم السمـاء حتّـى غيابـه=وركزْت رمحي طلوع الفجْـر مغبـون
أبـي الحقيقـة مـن الحـق و جنابـه=رمضا القوايل لفت والحـال عرجـون
عذب القراح الصفى حثـرب شرابـه=جوّه مزون و وطاهـا بأشهـب اللـون
السيـف يلمـع غـدى منظـر ذبابـه=مخراز لكـن سمّـي سيـف مسنـون
سقراط يا صاحبـي ينقـص صوابـه=والفاضلـة خالفـت حكمـة فلاطـون
كنز الذهـب دمّـر أعـراف النجابـة=رمْيَت عظم تجمع اللـي مـا يتدانـون
البيض دونـه غطـى ستـر الحجابـه=والسود تعشق وعشقه عشـق مزيـون
اليا متـى انجامـل الوقـت و خرابـه=واليا متى الطيب يبغـى قـول تكفـون
ميزاننا كفـه و هـذا نصـابـه=والنـاس بالميـل فـي حقّـه يكيلـون
لا والله الأ هـي جـروح و صبـابـه=اطعون في نزفهـا حسـرات وطعـون
يا نايف أبصر معـي معنـى الإجابـة=قولي مهو لغز فـي مجلـس يقولـون
صبر الأرت لو حصـل محـدٍ وفابـه=طهر الخفى نور ما هو لعب وظنون(1)
صحرا الزمان أصبحت أشبـاح غابـه=أصوات ووحـوش ومغـارات بفنـون
ودي لـك أشـرح كلامـي بالكتـابـة=لاكنّ خطّ ٍ على المـاء غـاب مكنـون
صدري فضاء الكون والرحمة سحابـه=دمعي مطرها والأيام أرض صعنون(2)
مـا تنبـت الـزرع لـو بـدّل ترابـه=السمسم الحالي اصبح مـرّ مطحـون
مررتهـا عـن شحيحـيـن اللبـابـه=أبيات فيهـا مـن الأحـزان مضمـون
هابيـل بالقتـل صــار أول ثـوابـه=و لو لا الغراب الجسد ما صار مدفون

وســـــــلامتكم الجميــع



لسد تغر التساؤلات/

(1) الأرت: هو الصحابي الجليل خبّاب بن الأرت رضي الله عنه ومعروف قوة صبره وتحمله الآذى من قبل مشركين مكة.
(2) صعنون: هي الأرض الصخرية وهي تعني مرتفاعات الحزوم والرجوم التي لا تنفع لا للزراعة وهي أرض ليست طينه ولا خصبة وعلى ذكرها حين ماتوا ابناء الشيخ سعدون العواجي العنزي حين حلم قبل موتهم أنه نائم على حزم ليس تحته فراش ولا فوقه غطاء فلما أتى الصباح فاذا بخبر الفاجعه فقد ذكر من أبياته:

البارحه نومي على لي صعانين=سهران ليلي ما تنهيّت بمـراح

والصعانين هي التي شرحتها.




وتقبلوا شكري وأرق تحياتي

 

 

 

 

 

 

 

 

 

 

أبـي الحقيقـة مـن الحـق و جنابـه
رمضا القوايل لفت والحـال عرجـون
عذب القراح الصفى حثـرب شرابـه
جوّه مزون و وطاهـا بأشهـب اللـون
السيـف يلمـع غـدى منظـر ذبابـه
مخراز لكـن سمّـي سيـف مسنـون
سقراط يا صاحبـي ينقـص صوابـه
والفاضلـة خالفـت حكمـة فلاطـون

القفيعي حياك اخي الكريم

مبدع كما عهدناك

وصح لسانك على القصيدة الجزله

تقبل مروري

 

 

 

 

 

 

 

 

 

 

ابيات رائعه

وقصيده فيها من الرقي الشئ الكثير

كيف لا .. وهي نزف وبوح وابداع القفيعي

صح لسانك ملايين يابن رمال

ودمت مبدع

تقبل مروري

 

 

 

 

 

 

 

 

 

 

القفيعي .. انت كما انت ولا تزال ..

شاعر رااقي . وقصااايدك راااائعـه


صح لسانك ولا عدمناك

 

 

 

 

 

 

 

 

 

 

الـقـفـيـعـي

صح لسانك على القصيده الروعه

يعطيك ربي الف الف الف عااافية

لكـ / الـشـكـر

 

 

 

 

 

 

 

 

 

 

المشرفة/ الشمرية المجهولة


صح بدنك

ولا هنتي


مشكورة

وأشكرك على المرور الجميل

 

 

 

 

 

 

 

 

 

 

الشاعرة/ طنياوية وبس


صح بدنك


لا هنتي لا هنتي


أشكرك على المرور والاطراء الجميل

 

 

 

 

 

 

 

 

 

 

صح لسانك طال عمرك على الأبيات الرائعة .

 

 

 

 

 

 

 

 

 

 

البرونزية / السعلوهـ

صح بدنك

ولا هنتي

عفوا على الاطراء الجميل

أشكرك على المرور الرائع

 

 

 

 

 

 

 

 

 

 

البرونزي/ ابو عزوز

صح بدنك

لا هنت

الله يعافيك يا بعدي

أشكرك على المرور