بسم الله الرحمن الرحيم
السلام عليكم ورحمة الله وبركاته
جميعاً أحبتي في منتدى ( الطنايا ) الأفاضل رغم مدّة الغياب اللتي غبتها عنكم لأسباب خارجه عن إرادتي . إلا أن لكم عندي كل معزّه وأحترام جميعكم بلا إستثناء .
قد لايعرف البعض أني غبت عن مدينتي حائل 15 عاماً بسبب عملي وعدت إليها بعد هذا الغياب الطويل لمدّه مؤقته * أتمنى أن تطول * وكانت هذه الأبيات المتواضعه *
كان الله في عون كل مغترب عن أهله ومدينته وأعادهم الله إلى محبيهم قريباً أتمنى أن تشفعلي عن غيابي هذه المتواضعه *
ياحايـل الحاتميّـه بعـد طـول الغيـاب=جيتك وشوقي يسابقني لشوف الهضـاب
قمت أستفزالقوافـي وأنتخـي بالجزيـل=ناديت ويـن الأمـل والحمـدلله أجـاب
سبعة سنين وثمان أبعدت ماهـو جفـى=كافحت أنا الوقت وأتحدّى السنين الصعاب
وأيقنت بأن الغياب إن طـال لازم أعـود=وشيّبت ياعايـد لحايـل وتـوّي شبـاب
سـلام يالحاتميّـه قلـت يسعـد مسـاك=يطيب فيك المقام ولك يصـاغ الخطـاب
منزل هلّي لابتي والطيـب فيهـا يشـاف=على سفوح الجبال الشامخه لـه كتـاب
أهلاً بكم تدعي الضيفان من كـل صـوب=في حايل أقبل هلا حييّت والكيـف طـاب
وطالع لسود الجبال ويتضح لـك شمـوخ=للاّبة اللّي مـع الأمجـاد لـه إنتسـاب
أحب ّحايل وأهلهـا شـي ماهـو جديـد=ياعزوتي يابعـد حيّـي طلبكـم مجـاب
بيتيـن سجلتهـا يومـي لحايـل لفيـت=بعد الغياب الطويل اللّي سعـى للذهـاب
يتعب خفوقٍ ضمى لمشاهـد أم الجمـال=يستأصل من الجمُل مالـذّ منهـا وطـاب
يومي كتبت المعاني لجـل حايـل وقلـت=عشقي وحبّي لها جاوز حـدود السحـاب
المجد ياقف لها إجـلال فـي كـل يـوم=لأن الصخى عادت الأجواد شيب وشبـاب
ياما تعنّيت له وأمشـي خطـوطٍ طـوال=واليـوم بأكنافهـا ودّعـت همّـي وذاب
توّي لقيت الوناسه يوم أشـوف الجبـال=ودّعت حزني وهمّي والشقـى والعـذاب
ياحايل الحاتميّه ( جديدي إهداء لكم )
العرض العادي
