ديانتي بالهويه تنقري ملَـــــــــــــــم
يعني انتمائي على الاسلام بلساني
لو كنت مسلم من الاسلام متعلـــــم
ماسل سيف الضلاله واذبح اخواني
ولا خوض فتنه له الشيطان متولـــم
اصبح به بدين وامسي بدين علماني
لو ندرس الوضع واقع حالنا يألــــم
ما حل فينا تدينـــــه كل الاديانــــــي
الجاهل اصبح زعيم القوم متكــــلم
والعاقل اخرس ولايمكن من الشاني
والظلم ساد وضمير الــــــحق متبلــــــم
وشلون انا اسكت على صيحات جيراني
لا والله افزع على من جار ويثلــــــم
بسوار بيتي ولا اخشى جموع عدواني
ويا صاحب العلم اجهر بالملا وعلَـــم
خل تفهم الناس حرمة دم الانساني
ويا مرتحل للشهاده سلم وسلــــــــم
على الذي باع روحه بدافع ايماني
قطرات دمه كواكب في دجى مظلَم
من يقتدي به بلغ جنه ورضواني
وياام الشهيد اضحكي ليه وجهك مهلَم
تفاخري به ولا تطرين الاحزانــــــــــي
والعار للي ولدها للذل مسلَــــــــم
هذيك خايب ضناها وحضها داني
هلال الصلفيـــــــــــــــــــــج
يا مرتحل للشهاده سلم وسلم
العرض العادي
