بسم الله الرحمن الرحيم
كيف حالكم يالابتي
من المعروف أن التواصل بين ابناء القبيله في الاعياد وفي جميع المناسبات
من عادات قبيلة شمر أدام الله لها المجد والعزه وعادت الباديه عامه
فعندما كنت في إحدى الدول اللتي لاتوجد بها هذه القبيله العريقه إلا قله
دخل علينا عيد الفطر المبارك ولم أجد من لابتي الطنايا أحد أقول له
(عيدك مبارك)
فلم أفرح بالعيد أعاده الله علينا بالخير والأفراح فكتبت هذه القصيده
وأتمنى أن تنال إعجابكم
القلب ظاق وظيقه ساعة العيد=قال الحدب بالي تزاود عماسه
قلبي تمنا شوف ربعٍ صناديد=ناخذ بشوفتهم كثير الوناسه
اللي لهم بالطيب صدر ومواريد=مثل البحر محدٍ يقيس قياسه
عاداتهم بالكون صطم الاضاديد=وجدع العديم اللي يزوم بشراسه
عند الكرامه يذبحون الاواليد=ذباحة الطيب نهار المحاسه
شمر خيار القوم شمر بواليد=شمر صواقع والمراجل اساسه
منهو مثل شمر بفعلٍ وتمجيد=حاطوا على كل الكرم والفراسه
مجدٍ رقى يم النجوم المباعيد=ومثل العطور اللي تفاوح انفاسه
تلقى منازلهم زاميات كما الحيد=ونجرٍ يصوت للمسير حساسه
للضيف حلوينٍ وللضد مناكيد=وجاراتهم مامرحن في مساسه
زحنا قبايل من ورا الشط والبيد=وسدنا الجزيره من سكن به وناسه
واليوم وقتٍ تبدل على السيد=وقتٍ على الاجواد ظيق مقاسه
هذا زمانٍ شيخ البوم عالصيد=واستذيب الحصني وشاخت بساسه
ياالله يااللي لك خلقك سواجيد=ياغافر الزلات ومحصي اجناسه
اسألك عزٍ ماتراه الحواسيد=وتفكنا من شر حقد ونجاسه
قصيدة : فايز الحدب