تحياتي للجميع (بعد قرار صاحب السمو الامير فيصل بن خالد امير عسير بمنع الحفلات الغنائيه المصاحبه لمهرجان عسير كانت هذه الابيات)
البروق اللي تكاشف على السوده=في عسير الخير تصب ودّانه
يابلاد الغيم بالعز موعوده=لك نقول الشعر ونجيد قيفانه
طفلةٍ كنه من قرون مولوده=شرعت للزاير الضيف بيبانه
فيك كف الخير بالخير ممدوده=في عيونه لاتخافين منصانه
فيك فيصل مركزالطيب وحدوده=ولد ابوه اللي تعزوى بجدانه
الاميراللي عطى الجود من جوده=الكريم العف مامال ميزانه
في يديه حبال الاعراف مشدوده=وش ابكتب والولي رافعٍ شانه
في صباحٍ مر والروح ملهوده=والجرايد بالمشتات مزدانه
قلت يانفسي لك الخيروسعوده=الخبر واضح للاعيان عنوانه
حرك احساسي على طول وركوده=فجآتني كلمة الحق مليانه
وانهزم راع الملذات وجنوده=وانكسر عود المغنين والحانه
قالها في حزم ماعادله عوده=في وطن مبني على الدين سيسانه
الاغاني دونه الاذن مسدوده=نمنعه لوهي دعايات رنانه
والامر ماينقبل نقصه وزوده=ينكّره سلم وتقاليد وديانه
الامير وعادة الطيب معهوده=ياولد من يذبح الفقربايمانه
خالد اللي فجرّ الجود وسدوده=فعل تحت الشمس ماقيل بلسانه
ورثّك نيه على الخير معقوده=يرحم الله باني الطيب واركانه
قلتها يوم الخبرعطرّبنوده=بالصحافه يرسم العز والوانه
يومها برق الحيا عانق السوده=وارتوت من فيض سيله وودانه
وانغسل ضلع السرى وامتلا عوده=واقبلت للمجد بوجود ربانه
الي امير عسير المحبوب واهلها مع التحيه
العرض العادي
