بسم الله الرحمن الرحيم
السلام عليكم ورحمة الله وبركاته
قصيدة للشاعر والراوي والباحث التاريخي
فواز بن فهد الغسلان (راوي الجبل) في مدح عشيرة الشلقان
و بأسمي واسم الشلقان اشكره جدا على رفعة اخلاقه
وصدق منطوقه كراوي يرتكز عليه محب التاريخ في الجزيرة العربية
راس ابن غسلان وعياله فـدى=للذي شادوا على الجوزاء بروج
ربعي الشلقان مكديـن العـدى=سربته تغنيك عن تسعين فـوج
جوهرة شمر اليا بـان الحـدى=واغنت البارود عن كثر الهروج
وثارت دعوج الحرايب والهـدى=ويل رجلٍ تاصله خيل الدعـوج
ومن وطاه الجوع من قل الجدى=عادة الشلقان يملـون الخـروج
هم دروع الحرب ونهور النـدى=وهم قواطيع الفيافي والفجـوج
طيبهم خالد ولو طـال المـدى=راسيٍ مثل البواخر فوق مـوج
لو نشدت جبالنا جـاك الصـدى=وجاك حس القطب وجبال الثلوج
وفوق غصن البان طايرنا شدى=ساجعٍ بين الشغايـا والمـروج
في سباعٍ ما وطت درب الـردى=له فعولٍ بين خلـق الله تـدوج
من حدود الترك لا قصى ثرمدى=لليمن لاقصى الحراير والزنـوج
واحمد الله يوم ماراحت سـدى=بالعيال اللي تبوج الطيب بـوج
ومن يشابه طبع جـده ماغـدى=وطبع شبله عن سباعه ما يعوج
من ثياب الطيب والمجد ارتـدى=مع بدور الكون والوجه البلـوج
والخبر مرفوع مثـل المبتـدى=والدعوج دعوج يانسل الدعوج
و كان لي قصب السبق في رد الثناء للأخ والراوي ابو فهد فواز الغسلان و هو يستحق اشياء اكبر من القصيد ..
مرحبا في مرحبا يمـك صـدى=لك يا ابن غسلان يا شوق الغنوج
و انت يا فواز كنك مـن حـدى=ربعي الشلقان ما فيهـا هـروج
لك معزة فوق مـا حـده مـدى=وسط قلبي في مساحاتـه تبـوج
لأنك العاقل بوقـت بـه غـدى=راعي البهتـان شيـخٍ للعلـوج
محمضٍ علمه ومخضه مـاودى=و له سنينٍ يرعجه ريحه تفـوج
و انت يا راوي الجبل قولك هدى=واضحٍ و أبلج مكررب ما يسوج
و انت ماشاء الله قصيدك والحدى=وسط صدرك كنه بوسط الدروج
و كلمتك وزنه حديدٍ مـا صـدا=حجم طنٍ فوق صدر اللي يلـوج
واحدٍ ما هو على الحق اسنـدى=له متاهات و عواير بـه يـدوج
و لو نفذ بالكذب رجله و اليـدى=مار ماله عند ربي مـن خـروج
و انت يا فواز هاليـوم و غـدى=تعتبر واحد من افـراد الدعـوج
و اقبل ابياتٍ بها الخافـق شـدى=واعذر اللي باعدت عنه السروج
فواز الغسلان و عبدالله الشلاقي
العرض العادي
